九份飽 (蜆殼街) (已搬遷) 新店位置

疫情之下，冇办法去台湾，唯有食去食台湾菜。呢碟凉伴猪耳咬落去好爽口，唔算辣。愈食愈开胃至于个综合汤，白鱼蛋好弹牙，配合埋紫菜，好香。成个汤饮完唔会口渴，相信入面冇落味精。有鸡排同鲁肉，一个饭满足两个欲望，鸡排外层炸得好脆，食落去入面肉质结实，同系台湾食嘅差不多。大肠包小肠，本来以为好似台湾食咁大条，原来系细细条，可以一啖摆落口，配合蒜、酸菜、花生，好香。蔬菜肉松手抓饼，用生菜围住蕃茄、肉松同蛋，外面再包手抓饼。留意要立即食，食第二旧摆耐咗，结果手抓饼变硬。今次食完当自己去咗台湾旅行。希望疫情快啲好返。