MOO MOO

营业中

休息中

今日去开观塘，朋友很想食汉堡包，在Openrice 揾吓，见到呢间MooMoo，就决定试吓。一入到餐厅，装修感觉真的很美式快餐风格，加上播放著英文歌，饿了两年的旅行瘾，突然感觉犹如置身外地，一解旅行相思之苦🤭点了两个套餐，经典之堡配细沙律、汽水及美式之堡配芝士肉酱薯条、伯爵茶，再加多个洋葱圈。😛其实食完个汉堡包已经饱左8成，食之前朋友话，观塘区食个汉堡包要$60几，会唔会贵左d，但食完个包都话其实几抵食。两个汉堡包最大分别系个酱汁，经典之堡用餐厅自家特制Moo Moo汁，而美式之堡就多左件烟肉，同埋用左BBQ汁。两者各有特色，个人觉得如果喜欢较浓味，美式之堡会较啱口味。烟肉片味道不会太咸，配上手打的汉堡扒使牛肉味更突出。餐厅的汉堡扒主打系手打新鲜谷饲牛，食落都几有牛味、口感很好、肉唔鞋，仲有少少肉汁渗出嚟。最赞系果片点缀嘅生菜，餐厅唔会因为生菜只系配料而忽略，单系外观已经睇得出很新鲜，食落真系好鲜甜。沙律、薯条、洋葱圈味道都唔错，尤其系洋葱圈，洋葱咬落系已经完全焦糖化，甜味非常特出。可惜今日天阴有雨，如果唔系，可以坐室外，叹住薯条，饮埋啤酒，感觉应该仲更加正。