NeNe Chicken (新都會廣場) (已結業)

想食NeNe chicken 好几次，试过有一次黎话午餐无炸鸡或烤鸡，晚餐先有，所以想等人同我share。今日终于有人陪，两个人，点左一份烤鸡同一份小食。整体黎讲：觉得鸡太干同无咩味，有啲失望。招牌烤鸡原味（全只）$174烤鸡等待时间比较长。鸡上枱时，有冒烟，系几吸引。但食落肉质比较干食，同无咩调味。有问店员拎辣酱，佢有「温馨提示」话𠮶酱有少少咸，叫唔好点咁多。的确无想像中嘅辣味，但都好过无😶迷你鸡蛋卷（明太子）$90份量亦都比想像中大，我哋点左「迷你」，觉得其实系指regular ；「劲量」应该系指加大。蛋卷味道系正常架，入面有拉丝芝士、火腿粒同大量生洋葱同青红椒！纯粹系我哋个人喜好问题，唔钟意食洋葱同青红椒，所以对佢嘅味道有所保留。