Ciao

营业中

休息中

昨天跟同事去到石门做野，job 同job 之间相差三个小时，所以想揾个地方坐低食嘢兼Hea下，见到京瑞一期有间西餐小店，环境企理又干净，而且lunch set 只是$68 ，有餐汤或沙律及餐饮，所以就入咗去。Lunch set份量都几大，不过因为冇食早餐嘅缘故，而且见到隔离枱嘅小食好吸引，所以我们另外叫了两个小食。蘑菇忌廉汤非常香，好多蘑菇蓉；卡邦尼意粉蛋汁香滑 creamy，烟肉、磨菇等配料一点都不少；香草肉酱意粉，肉酱浓郁，混合了各种配菜炒香嘅味道；两个意粉都很弹牙!炸洋葱圈，即叫即炸，热辣辣好好味，唔会好多粉，又唔会好油腻，食到最后仍然脆卜卜；白酒忌廉青口配意大利香草包，好钟意呢个菜式，白酒带出每只青口鲜甜嘅味道，个汁都好好味，有白酒及青口嘅海水味，好鲜甜! 服务员好有礼貌，繁忙时间都唔赶我哋走，俾我哋Hea足三个钟。