ねずみの王冠 喫茶店

营业中

休息中

假日与朋友来到观塘工业区办事，午餐想食啲light少少嘅嘢食，咁就search到呢间餐厅。和风全日朝食（玉子/温泉蛋、烧鳍鱼、野菜薯饼、明太子照烧汁饭团、唐扬味噌豆腐、蕃茄、野菜沙律（$118）睇个名好似好多嘢食好丰富咁，和风all day breastfast好似几新颖，就嗌嚟试吓。点知嚟到，卖相一般，样样有啲，份量较少，无话边一样特别好食，有点失望。自家制 王冠咖喱吉列猪扒 定食（$98）猪扒同饭系冻嘅，饭系暖嘅，成个餐一上枱唔够热就已经大打折扣。至于吉列猪扒味道好普通，不过不失，咖喱汁好过平时咖喱嘅咖喱砖。餐饮：冻柠檬伯爵茶 （因为本身钟意饮伯爵茶，就觉得好饮过普通红茶底）。不过呢个餐厅胜在装修布置别致，有参考日本吃茶店的和风设计，收银旁有精美souvenirs卖。但平时赶时间的上班族就要考虑清楚，因为出餐时间较长，由点餐到上菜要多次催促店员。