賞茶 (已結業)

食完生煎包，大家都觉得唔够喉，之后见到呢间台式店有下午茶套餐，咁我哋两个就再去食过喇。呢个花生酱吐司，个卖相真系唔得，但其实都几好食嘅，花生酱吐司都好难做得唔好，不过佢个薯条就一啲都唔热。呢个乌冬味道都几好，又够热，沙茶味好够，花枝丸都几弹口。不过明明话系杏鲍菇，最后变左系盐酥鸡。杯胚芽奶茶有啲甜，后尾发觉我应该叫微糖，唔应该叫少糖，所以最尾饮饮吓，太甜都饮唔到了。小宝仔就叫了波霸奶茶，即系珍珠奶茶，茶味好淡，佢唔系太钟意。只可以讲，呢个价钱有两杯台式饮品，再加个乌冬及吐司，算系好抵食，不过觉得浪费左自己个胃个quota ,早知攞呢啲钱去扫街啦！