滿漢小館 (已結業)

石门都几多嘢食，今次去了一间食上海菜的餐厅，分别点了满汉小笼包、老潼关肉夹膜、葱油开洋拌面、水煮牛肉面、蒜蓉窝芛及芝麻豆浆。先讲小笼包，咬落去唔多汁，唔够热，同埋啲肉馅有啲「鞋」，唔系太掂。之后到个老潼关肉夹膜，个饼皮都几松脆，不过唔系太够热，而啲肉几香同浓味，如果热啲会几好。至于葱油拌面个味道唔错，不过份量偏少，而个汤就偏淡。而水煮牛肉面就唔系太够辣，牛肉就系普通滑牛肉，同埋唔系太入味，似系煮熟个面就咁放啲牛肉上去再加汤。反而个蒜蓉窝芛食落去几脆，加上蒜蓉变得几香，唔错，亦系全餐最好食的一道菜。