八海山

营业中

休息中

今日同同事尖沙咀开左成日会, 收工立即揾个地方食野填肚。行到街尾就发现到呢一间日本餐厅。餐厅都几旧式装修, 人唔多, 希望唔会中伏。一坐低店员就介绍左一啲空运日本货，同日本清酒选择可以饮，我地最后叫左软壳蟹沙律、杂锦鱼生、蒜片牛肉粒、忌廉薯饼、原只鱿鱼等最好食系软壳蟹沙律，沙律菜好新鲜，软壳蟹炸得香脆。杂锦鱼生就唔算好新鲜普普通通啦。蒜片牛肉粒个份量好少, 唔多值依个价。原只鱿鱼煮得都ok，新鲜弹牙。店员话佢地多日本人帮衬, 但我眼见都系香港人为主, 同埋真系好少客人, 可能因为野食唔算高质, 系尖沙咀区有大把选择。