劉興記生煎包專門店

营业中

休息中

见咁多人讲刘兴记，喺周末下午排咗半个钟入座，在充满期待之下终于试到啦！豆浆系免费任饮，浓郁嘅豆味，似乎系无糖/低糖🥛招牌生煎包之前帮衬坚信号，上碟嘅时候竟然系冻嘅，好离谱🥲所以刘兴记热辣辣上碟，已记一功！店舖讲明唔爆汁可以换过只俾你，事实上个包都几Juicy肉味好浓，单价$10/只，合格啦👌🏻排骨葱油拌面排骨炸得不错的，唔会太过干身硬梆梆，仍然保留到排骨的肉汁和肉味。同行友人觉得咁样煮个排骨好似吉列排骨，同平时食开嘅上海排骨唔同，呢样就各花入各眼啦👋🏻至于葱油面，面的份量太细，葱油唔够，色香味欠奉🥺招牌担担面面条比一般食开嘅粗身，口感唔同。最主要系个汤底真令人失望，好淡、没有花生味。虽然配料有大量肉碎和樱花虾，但系完全突出唔到应有的味道😟蟹粉小笼包小笼包嘅皮够晒薄，肉馅好大旧。不过，热食的时候仍食到蟹粉有点腥，要连同姜葱丝和醋一齐食比较好。店舖座位唔多，亦都好迫，天花嘅射灯照住块面，用餐时感觉又热又焗，堂食唔系好舒服。食物质素平平，价钱系抵嘅，如果唔使排队又想平平哋一餐都有得谂。