泰屋 (已搬遷) 新店位置

有朋自远方来，今次上网做左功课，系朋友酒店附近揾到一间多人赞既餐厅，整体而言却系一般。猪颈肉沙律有D清新酸酸地既味道，唔错。免治猪肉生菜包肉碎份量多，生菜份量较少，包唔晒D免治猪肉，最后就只可以捞D金边粉同青咖喱食…马拉盏炒通菜有D干虾味，几好食，不过略嫌有D偏咸。青咖喱鸡鸡冇鸡味，咖喱冇咖喱味，净系食到椰汁味…冬荫公汤都几好饮，但如果香料味更重会更加好。泰式炒金边粉味道几好，但系面就有D太「淋」，唔够好食。泰式什菜清淡，钟意淡口味既就试试！