達人包車 (已結業)

最近系facebook睇到达人包车出左芝士火锅，仲送朱古力火锅!!先$228嘛。好抵咁即系book台食下午茶去，得我地一台客一共3个人，嗌了个芝士火锅+朱古力火锅，仲嗌了一份半半炸鸡 一半原味 一半蜜糖。啤酒做紧半价几抵，一人一支大概等了20分钟上菜，芝士火锅既配菜有虾，肠仔，青口，八爪鱼，薯条，红黄椒。朱古力火锅有士多啤梨，火龙果，青提子，橙，棉花糖，蛋糕。芝士火锅个汁好大阵酒味，酒味浓到我食唔到芝士味我个芝士呀因为唔钟意阵酒味，食左一啖冇食了。但意外地，朱古力锅个汁好味!士多啤梨加朱古力简直系无敌呀棉花糖都唔错，钟意甜食既人会like份炸鸡都算滑，蜜糖炸鸡甜甜地，但肉比较淡味。食完第一旧，见到个骨系红红地色本身冇留意，但我爸食蜜糖鸡脾果时，连d肉都系红色炸唔熟(我念大概只有5成熟) 十分惊讶，举手问侍应。佢拎走了只鸡脾入厨房。再出黎拎埋2碟鸡走，然后话void了张单，向我们道歉讲唔好意思。我们见服务态度唔错，又肯void单认错，所以都满意个服务态度。食物水准一般，整体中评。