一幻拉麵 (已結業)

非常喜欢食拉面，估计喺日本起码食过超过150家面店。第一次食一幻系多年前喺北海道，佢喺东京站八重洲地下街新开分店时都食过，感觉北海道各店比八重洲分店好味。香港分店有生日优惠，咁我就去试吓啦。坐低填表叫浓厚豚骨虾汤拉面，填咗表之后周围都见不到员工，等嘅时候见到枱面有啲小垃圾同类似眼睫毛嘅嘢，咁就自己清理咗😳。等咗几分钟，有员工一手攞咗张落单表粒声都冇出😳。继续头岳岳咁等，见到开放式厨房里面嘅员工亦都企定定头岳岳望出楼面，真系唔知佢做乜😳。碗面终于嚟到，卖相一般；我加咗三块叉烧，大部份比葱同红姜冚住咗（第一张相），其实如果厨房真系用心做，就唔会咁样，绝对可以摆得好啲（跟住两张相系我稍为调整吓叉烧位置，已经靓好多）。日本餐饮卖相系非常紧要。汤底有虾味亦有猪骨味，不过唔算好好味。叉烧味道一般。面煮得太焾（冇得拣硬度）。加咗个木耳，几爽脆，不过太甜。全程冇员工打招呼，可能员工唔够所以服务嫲嫲，但系咁嘅服务仲要收+1服务费😳。仲有， 枱面上放有一呎高左右嘅透明胶片，但系人客坐低成个头会高过胶片，真系唔知呢块胶片有乜用🤔卫生、服务、味道都同日本一幻有明显距离！但系比日本嘅一幻贵好多！