和氣食堂 (黃大仙中心南館)

营业中

休息中

经过见到就试下啦，6点几时间算早，无咩人排队，一去到就入得。疫情关系，餐厅枱与枱之间都要有胶板隔住，但系呢间餐厅连座位都有胶板隔住，感觉卫生好多。- 豚肉生姜烧丼 $75第一啖试咗饭先，但系觉得冇咩味，同埋啲饭好似有啲硬，就谂住个饭应该唔系好好食。之后就试吓啲豚肉，反而几入味几好食，啲饭要配合埋啲豚肉同埋啲汁食先觉得好味。浓番茄汤吉列猪扒乌冬 $79 个汤真系几浓，但系啲味道就正正常常冇咩特别咁。个吉列猪扒块皮同啲肉系分开嘅，虽然块皮系几脆，但系就有啲好容易断开，食嘅时候系块皮同啲肉分开食。电击鸡翼 $55问咗店员话呢只鸡翼系唔辣嘅所以先叫，但系嚟到原来系好辣嘅，虽然呢个鸡翼几特别，因为佢系用冷鸡翼嚟，平时喺出边好少见到。不过由于辣得滞我唔系好食到味道如何，如果好钟意食辣野嘅可以试吓。蓝柑白桃梳打 $42 见佢成支柠檬汁倒转拆几特别所以就试吓，不过柠檬味太酸，盖过晒白桃嘅味道。到埋单嘅时候就见到出边好多人排紧队，如果夜晚食记住要早啲嚟排队。