檸檬冰室 (中海日升中心)

营业中

休息中

自从此舖位交吉之后，一直等待会否有新餐厅开，最终开了柠檬冰室。虽然本身都有不少分店，但之前都未帮衬过，今次终于帮衬了他们的旗舰店。先讲餐厅的装修，很光猛(因为周围都系俾鲜黄色包围住)，整体感觉好似比之前的要大(不过其实都系同一舖位，应该唔会大左)。食物方面，都几多选择，有炒粉面饭、碟头饭之余，亦有小菜。今次叫了一个冰镇蜜桃咕噜肉、黑松露脆虾炒蛋饭、冻柠茶及冻奶茶。食物上枱都几快，先嚟系黑松露脆虾炒蛋饭，黑松露味都几香，虾都爽口，食落口都唔错。冰镇蜜桃咕噜肉，好大碟吓(因为要冰镇)，将啲咕噜肉放落去冰入面雪一阵先食，会变得更脆口，而啲肉又唔韧，无谂到茶餐厅都会食到，唔错。至于杯冻奶茶，饮落口几香奶味，茶味就唔算太浓。不过冻气就冻咗啲，好快啲饭𩠌都变冻咗，需要改善一下啲出风口位。另外个餐牌有啲特别，同一般茶记唔同，唔系传统的分类，几新。同埋餐厅啲职员都几有礼貌，比其他一般茶记有啲唔同。整体嚟讲都可以再帮衬，试吓其他食物。