L'Eclair de Genie (已結業)

周六为家人充当柴可夫，午餐后负责接送大家出入跑马地、湾仔、金钟、中环及美孚地带，可真忙个不停。姨妈姨丈湿平时发现金钟新开咗间甜品店「L'Eclaire de Genie」，鲜黄色o既门面实在吸引，一心就谂住下午茶时间要买几个闪电泡芙返屋企慰劳吓XO仔 。点知佢地五点左右再行返去买时，店员却告知当日所有闪电泡芙已卖清 ，店子只剩余三文治及朱古力礼盒。最后只能带回新店o既宣传单张俾细佬止吓痕。正当大家都有少少失望而回o既时候，表妹就由表姐家中带黎一盒小惊喜 。原来表姐早一日正正收咗一大盒闪电泡芙，刚好雪柜仍留有两件，见小肥咁想试，所以就叫表妹送过黎同大家分享。可能系隔咗夜o既关系，外表精美o既泡芙质感变得腍而湿身 。两件中，个人觉得咖啡色o既海盐焦糖味「No. 1 Caramel Beurre Sale」甜得黎较为自然。反而绿色𠮶件抹茶朱古力味「No. 144 The Matcha Bambou」就甜腻得黎好假 。由于细佬并未喺「L'Eclaire de Genie」闪电泡芙最新鲜o既时候食用，所以暂时只能单凭甜点只属一般o既味道作下评论，请大家见谅。