十三座牛雜 (已結業)

系新光戏院既则边,之前放学一定会经过依档十三座牛杂，同埋佢真系好出名，不过之前系身边日日有得食就唔觉珍贵,依家无得食就好想食番,于是放工就专登走过去。同之前一样成条人龙已经系到等紧买牛杂,另外一边就系买鱼蛋烧卖个D,除左牛杂,佢既鱼蛋都好好食,够哂弹口,汁又够浓。牛杂方面佢既牛肚煮得够淋够哂入味，又唔会林哂无咬口,牛肠都好肥,无一次撞过无肥膏系裹面,所以系正既。食左一串都系唔够,决定买多碗细既,从来未试过买一碗,因为细细个边有咁多钱,食一串就已经好开心,原来有一碗系有萝卜,好够林,吸哂佢D卤水汁。食落一流同埋佢唔苦,依到卤水汁好香而且我觉得佢D来货都应该好靓,因为次次黎食都无咩点变,慢慢食完依碗咁好食既野之后,就要转车番屋企,虽然唔健康,但耐唔耐食一次都无所谓既。