意粉屋 (已結業)

行过见到意粉屋既午巿套餐好抵食，就入去试。意粉屋既环境光猛整洁，天花装潢特别，梳化坐位宽敞舒适，而且服务有礼。咁既环境，以几十蚊既价钱食到沙律、餐汤、主菜及附上餐饮，实在是物有所值。叫左个酥皮意大利菜汤，烟三文鱼蚬肉特色饭。餐前先奉上烟三文鱼沙律。沙律菜新鲜，烟三文鱼较干身，味道ok。酥皮意大利菜汤，卖相吸引。个酥皮唔油够酥够脆好味道。个汤浓郁醒胃又好足料，除左杂菜，仲有通心粉，正。烟三文鱼蚬肉特色饭。个饭黏黏实实，口感不错。整个饭口感层次丰富，味道尚可，不过较咸及饱滞。