八月堂 (已結業)

八月堂嘅牛角包都算几出名，今日咁啱唔够时间食个正餐，于是就决定试下呢间都算多人买嘅牛角包。今次试咗个焦糖布丁味同埋松露白酱蟹味。焦糖布丁味嘅牛角包上面都洒咗啲糖霜，所以除咗中间旧焦糖布丁之外，成旧包食落都有甜甜哋嘅满足感。不过布丁嘅甜味虽然够，睇返个名「焦糖」呢两只字都系会觉得唔讲唔知。至于松露白酱蟹味就唔会有焦糖布丁味𠮶种甜品feel，比较会有饱足感。中间夹咗一条蟹柳，啲酱就有少少咸中带甜嘅味。其实同上面𠮶款一样，都系觉得味道唔差，但个名同实质嘅涵有少少不乎。（松露？蟹？）