馬六

营业中

休息中

炮台山返工日子到处揾食，其实都经过间铺好多次，今次就入去试下咩质素，大约十二点入到间铺，可能未到最繁忙时段，得小猫三四只。坐底已经见到张餐牌放左台面，点个海南鸡饭餐试一试，个餐有一碟鸡，一碗油饭，三种酱，一碗汤同饮品，先讲下碟鸡，唔肥唔瘦好适中，鸡胸加其他部位，三种酱有姜蓉，甜豉油，辣酱，我自己钟意三种酱都点，碗油饭就唔系咁好，饭比较硬身，有油香但不多可以接受，碗汤就唔需要讲，味精汤一碗，反而叫杯热柠水除咗茶记柠檬外，有一粒青色应该系柑桔，几特别。整体都唔错，环境唔差，睇落觉得干净，不过价钱就比较贵要成$68，间中一次半次都可以。