Banh mi pate (Vietnam Genuine) (已搬遷) 新店位置

最近又发掘到多一间位于跑马地嘅越南餐厅，呢间餐厅嘅装修好有心思，俾人嘅感觉好清新舒服😌店内嘅座位唔多，所以我今次都选择左外卖，拎返屋企慢慢食🤣我哋叫咗【河内火车头汤河粉】、【越南顺化汤河粉】&【冻越式蛋咖啡】。-【河内火车头汤河粉】: 呢碗入边有生牛肉、熟牛肉、牛筋、牛柏叶、牛丸~每一样配料都好食！河粉嘅质感亦都好好，有少少弹牙，唔会煮到碎晒👍🏻不过汤底就太咸啦☹️☹️-【越南顺化汤河粉】: 呢碗入边就有牛𦟌、牛腩、猪手、扎肉。而最出色就系扎肉！顺化嘅汤底就酸酸甜甜，又有少少辣嘅，几开胃嘅，不过又系个汤底太咸啦！😩😩-【冻越式蛋咖啡】: 因为见到有好多人推荐，所以我都叫咗一杯嚟试吓! 点知真系有惊喜，咖啡味好浓郁，上面嘅蛋奶泡又有蛋香又软滑！又唔会太甜，真系值得一试！-总括而言呢间餐厅粉面嘅𩠌同河粉都几好食，但系汤底对我嚟讲就真系太咸啦！食完之后劲口渴☹️ 不过我会为咗佢嘅扎肉、牛丸、蛋咖啡再食嘅！🤣希望之后佢嘅汤底唔会再咁咸啦...🙈🙈