影片
更多
2016-06-22
250 浏览
次次去九龙城都系食东南亚菜，今日试吓食西餐，5个 course 的 lunch set (沙律-汤-主菜-甜品-餐饮)，见装潢几新就去试吓。都几满座，被分配到门口六人枱中间对坐，夹住左右都系二人客。13:00入座，落好order，同友人倾吓歇。13:15 眼见到远处迟我哋两个字入座的情侣都已经食紧沙律，我哋都仲系食紧风（佢个玻璃门闩唔得实好扯风），向店员查问后话帮我哋追其实系漏单，睇住佢即刻入机... =_= 隔咗无耐就有嘢饮，友人的餐饮 Cappuccino ：同埋我的冻朱古力：旁边客人都趁机追个餐汤，店员返转头的答覆竟然系：「个汤仲煲紧」⋯⋯ {心谂: 点解明知系 Lunch set 跟嘅餐汤都唔一早在午市前煲好...... }继续倾歇倾到好攰，话说店内好多人讲嘢好应声好嘈，听的听唔清楚，讲的要好大声，好辛苦。 13:30 正当我们打趣说：「如果迟咗就搭小巴返公司，唔会2点都未有嘢食挂～」店内其他客人(有4人的有2人的)都纷纷追单，店员再入厨房，先拎到少部分沙律出嚟，我哋"有幸"被分发沙律两个：睇落好干咁，但食落又几好味唔干，醋好香。13:40 喺我哋(
13:00入座，落好order，同友人倾吓歇。
13:15 眼见到远处迟我哋两个字入座的情侣都已经食紧沙律，我哋都仲系食紧风（佢个玻璃门闩唔得实好扯风），向店员查问后话帮我哋追其实系漏单，睇住佢即刻入机... =_=
隔咗无耐就有嘢饮，友人的餐饮 Cappuccino ：
Cappuccino
8 浏览
0 赞好
0 留言
冻朱古力
6 浏览
0 赞好
0 留言
继续倾歇倾到好攰，话说店内好多人讲嘢好应声好嘈，听的听唔清楚，讲的要好大声，好辛苦。
13:30 正当我们打趣说：「如果迟咗就搭小巴返公司，唔会2点都未有嘢食挂～」店内其他客人(有4人的有2人的)都纷纷追单，店员再入厨房，先拎到少部分沙律出嚟，我哋"有幸"被分发沙律两个：
午餐沙律
11 浏览
0 赞好
0 留言
13:40 喺我哋(仲有其他食客一齐)猛追猛追后 ，传说中大半个钟先煲完嘅餐汤终于嚟到：
黑松露油磨菇汤
7 浏览
0 赞好
0 留言
本身钟爱饮磨菇汤嘅，好 creamy 味道好 rich，加埋淋上面的黑松露油，好香好香。
{几个店员都已经乱哂笼，我哋饮完汤收咗碟，又再拎两个沙律俾我哋，讲几次食咗喇唔驶喇佢先知道拎返走}
13:45 千呼万唤 友人的 main course - 三文鱼长通粉 到著：
三文鱼长通粉
8 浏览
0 赞好
0 留言
{另外一枱4人此时仲追紧话未有沙律同汤... }
真系等到我哋两个呆哂都未有另一碟.... 提议店员不如未煮好都上咗个甜品食住先啦...
跟餐甜品：朱古力蛋糕
5 浏览
0 赞好
0 留言
13:55 已经放弃再追，请店员直接将我个扁意粉转做外卖
13:58 听到厨房整好叮咗钟，店员拎住盒外卖意粉埋嚟，施施然话俾个纸袋我哋拎，但就要等另外一位店员喺收银机下面个柜度揾纸袋。我哋仲唔拿拿临俾埋钱想搞掂就走(仲要截的士赶返公司，lunch time到2点咋已经迟哂到)，点知阿店员又揾极都揾唔到餐具 算算算，14:00 终于可以离开，我坚觉得我哋无发佢哋火系好仁慈......
赶到返 office 无理由喺位食嘢咁大阵味咁无公德心o架，唯有自己"喱"喺 pantry 立食我个 main dish - 蕃茄酱鸡肉扁意粉(外卖)：
主菜：蕃茄汁鸡肉扁意粉
5 浏览
0 赞好
0 留言
题外话/补充资料：
未试过 lunch time 坐足一个钟 (1300入座1400走) 都未食到个午餐，返嚟忍唔住要写我第一篇食评⋯ 睇见佢其他食评都系强调「慢活」「悠闲」，而且多数系周末或假期的评论。
个人认为 HighFive 的食物饮品都很精致，味道不错，但明知道做唔切就唔好开闲日午市，净系做假日生意由得佢几慢都得，一系就唔好放咁多客入去坐，净系开两三枱做午市好了。 :(
(以上食记乃用户个人意见 , 并不代表OpenRice之观点。)
张贴
