老闆娘雲南米線

营业中

休息中

周末嚟到荃湾，专程嚟食老板娘云南米线😆 之前嚟过见到门口有长长人龙就冇排队去试🥲 今次6:30pm前嚟到唔洗排队，喺门口落单后就直接入座第一次嚟，店员推介蒙古汤同蒜味辣汤汤底，呢两款都系呢度独有嘅味道，一于试试🧄BB辣度蒜味辣汤米线，配招牌酥炸鸡球，$52已包一𩠌。蒜味辣汤米线送上枱时已闻到好香蒜蓉味，内有芽菜及肉碎，BB辣度接近无辣。由于炸物制作需时，酥炸鸡球要等多大约10分钟先送上。炸鸡球新鲜炸起，外层香脆，内里肉质滑嫩😋 整体而言味道不错，如果唔需要排队都值得去食👍🏽餐厅划分两个区域，约有十零张枱，按落单次序入座，餐点亦系顺序送上。虽然有2人枱同4人枱，如果2人入座时派到去4人圆枱，系需要同其他人搭枱。