川莊 (已搬遷) 新店位置

最近朗豪坊網上商店有優惠，可以用$70的價錢買到價值$100的現金卷，所以過來朗豪坊川莊試食一下。入到門口坐低之後侍應就攞咗一壺茶黎，入面有杞子,紅棗,玄米,冰糖,茶葉，味道清新帶甜。酸辣土豆絲味道一般，比平時食到的偏酸和辣。孜然香酥羊腩，味道超正，外表香脆羊腩入口即溶充滿羊肉的油香，黎到川莊一定要食。（暫時食過最好味的香酥羊腩）黎到川莊又點少得食水煮魚，今次叫咗招牌水煮桂花魚，仲可以免費加4款配料，我加左蓮藕片,午餐肉,牛肚同木薯粉條。兩個人食份量十分足夠，唔係太食得辣嘅朋友建議叫返微辣。飲品方面選擇都多，今次我就叫咗芒果香桃雪冰，飲品夠晒大杯。