川莊

营业中

休息中

最近朗豪坊网上商店有优惠，可以用$70的价钱买到价值$100的现金卷，所以过来朗豪坊川庄试食一下。入到门口坐低之后侍应就攞咗一壶茶黎，入面有杞子,红枣,玄米,冰糖,茶叶，味道清新带甜。酸辣土豆丝味道一般，比平时食到的偏酸和辣。孜然香酥羊腩，味道超正，外表香脆羊腩入口即溶充满羊肉的油香，黎到川庄一定要食。（暂时食过最好味的香酥羊腩）黎到川庄又点少得食水煮鱼，今次叫咗招牌水煮桂花鱼，仲可以免费加4款配料，我加左莲藕片,午餐肉,牛肚同木薯粉条。两个人食份量十分足够，唔系太食得辣嘅朋友建议叫返微辣。饮品方面选择都多，今次我就叫咗芒果香桃雪冰，饮品够晒大杯。