芝麻開門甜品專門店

营业中

休息中

今年嘅情人节仍然禁晚市堂食，咁就唯有自己煮一个丰富嘅情人节大餐，但系食完正餐之后，总会想食啲甜品，所以唯有落街揾食，行咗一阵终于系一条内街见到哩一间甜品店。我哋俾佢门口嘅$18糖水吸引住，可惜全部都唔系我哋想食嘅😂所以最后拣咗一个朱古力味心太软配曲奇味雪糕（哩间店舖嘅心太软仲有抹茶味），同埋一个台式仙草冻。心太软冇预期中要等咁耐，店员好快已经焗好，所以好快拎到返屋企食。🎈朱古力味心太软配曲奇味雪糕一打开之后发现个份量好细，无系哩间食过堂食，唔知堂食既份量系咪都系咁😅曲奇雪糕就同普遍甜品店食到嘅味道一样，应该都系一大盒𠮶种。心太软味道都算浓，朱古力流心同埋蛋糕嘅比例啱啱好，不过份量太少，真系食两啖就冇晒。🎈台式仙草冻哩间嘅仙草冻有好多款配料选择，有芒果、芋圆、红豆、椰果、薏米、汤圆、小丸子、西米及紫米。而个汁底都有三款选择，分别系椰汁、花奶及黑糖。今次我拣咗芋圆、小丸子及紫米，汁底就拣咗黑糖。哩间黑糖唔会话好甜，而芋头同小丸子食落去好Q弹，烟烟韧韧，可惜个仙草唔够滑，如果再滑啲会更好。整体来讲，哩一间甜品店嘅性价比唔系好高，而且外卖份量真系太少了。