老四川水煮魚莊

营业中

休息中

试左水煮鱼(桂花)同辣子鸡。辣子鸡好食，我钟意食辣但唔太食得辣。e样菜对我嚟讲唔辣，好香好适合送饭。水煮鱼可能我地拣左桂花鱼，唔多骨，好滑好好食。下面有芽菜同宽粉，但都有d过份地咸，冇食几多。麻同辣方面，都算麻，系越食越麻果种。辣度比辣子鸡辣。可能因为我食唔到太辣叫佢地做小d辣就好，叫既e两样野都唔算太辣。服务方面，因为12.开门，我地未12.就系门口等佢开舖，当时都有3.4批人12.就去食，服务唔算热情但都正正常常，当时食辣子鸡食到七七八八都未上水煮鱼，我地冇出声，但果个员工定唔知老板上水煮鱼时都有同我地解释翻因为条鱼系现斩，所以会耐少少。总结：会回顾下次都可能会再叫辣子鸡，间唔中想食辣都会再去帮衬。