影片
更多
2023-01-11
3042 浏览
呢间店喺K11 Musea入面，价钱唔算贵，环境舒服，装修整体都算系有格调！因为晚餐时间去都等左约半个钟左右先入得，座位阔落，周末好多一家大细食饭。一间几唔错嘅越南菜餐厅，啱哂喺商埸行完街去食，等紧位仲可以到附近行下！✨牛丸、生牛肉双拼汤河 $118★★★★☆个汤底清得黎好浓郁牛味，用黎配河粉食一流，河粉唔会太淋身索埋啲汤汁，好正。牛丸有3粒，食落有惊喜，个牛丸劲弹牙，牛味好重得黎好JUICY，赞！生牛肉就正正常常，冇话太特别。✨炙烧牛柳汤粉 $108★★★★☆个汤底依旧系牛汤，而主角炙烧牛柳会分开另上，个牛柳已经切好一件件，每一件都五至六成熟左右，见到仲系带红，但唔会血淋淋带血水。入口超级软稔兼多汁，个肉已经腌制左，所以系超级够味，单食仲有少少过咸，但𩠌河粉一齐食或者配埋佢本身嘅葱同垫底嘅紫洋葱食就OK。佢食落仲带啲炙烧风味，好惹味，相对生牛肉、鸡丝个啲会较重口味。✨河内蕃茄蟹檬 $90★★☆☆☆一黎到望到好丰富咁，加上闻落好香蟹同番茄味，谂住一定好浓好正，点知闻同食系两回事。个海鲜浓汤汤底都几清淡，只系有微微海鲜味加番茄味，绝对唔香浓。因为汤底唔浓郁，连带本身都唔索味嘅檬粉，食落更
牛丸、生牛肉双拼汤河
$118
53 浏览
0 赞好
0 留言
★★★★☆
个汤底清得黎好浓郁牛味，用黎配河粉食一流，河粉唔会太淋身索埋啲汤汁，好正。牛丸有3粒，食落有惊喜，个牛丸劲弹牙，牛味好重得黎好JUICY，赞！生牛肉就正正常常，冇话太特别。
炙烧牛柳汤粉
$108
39 浏览
0 赞好
0 留言
炙烧牛柳汤粉
$108
63 浏览
0 赞好
0 留言
★★★★☆
个汤底依旧系牛汤，而主角炙烧牛柳会分开另上，个牛柳已经切好一件件，每一件都五至六成熟左右，见到仲系带红，但唔会血淋淋带血水。入口超级软稔兼多汁，个肉已经腌制左，所以系超级够味，单食仲有少少过咸，但𩠌河粉一齐食或者配埋佢本身嘅葱同垫底嘅紫洋葱食就OK。佢食落仲带啲炙烧风味，好惹味，相对生牛肉、鸡丝个啲会较重口味。
河内蕃茄蟹檬
$90
34 浏览
0 赞好
0 留言
★★☆☆☆
一黎到望到好丰富咁，加上闻落好香蟹同番茄味，谂住一定好浓好正，点知闻同食系两回事。个海鲜浓汤汤底都几清淡，只系有微微海鲜味加番茄味，绝对唔香浓。因为汤底唔浓郁，连带本身都唔索味嘅檬粉，食落更加冇味道。同牛肉汤河相比差好远，佢只系个汤底色水望落浓。有蟹肉正常唔会梅，鲜虾丸应该系自家制，味道其实唔错，馅料都足食得出，但个口感好怪，超级淋，一啲口感都冇好似俾小朋友食咁。
烧猪肉丸腩肉三文治
$78
13 浏览
0 赞好
0 留言
★★★★☆
个面包都香脆，配埋烧猪肉丸腩肉好惹味，真系唔错。佢入面仲有啲蔬菜、红白萝卜丝，但如果红白萝卜丝腌左嘅话会更有风味，同埋个酱汁唔够多，食落偏干身左小小，但个肉丸同腩肉都系好食，够哂味道。
顺化蔗虾
$98
17 浏览
0 赞好
0 留言
★☆☆☆☆
呢个有啲唔知系点食，个一饼饼米粉好寡就算点左个酸甜酱，你话夹个甘蔗虾又唔得。因为个甘蔗系唔食得，变相你要分开咬一啖个肉出黎再夹个米粉食，就算夹左一齐食都唔会话好味好多，成件事好怪。单食个蔗虾似系鱼蛋咁嘅口感，唔太食得出系虾肉。个卖相睇得但唔好食。
✨牛油果沙冰 $48
★★★★☆
呢个超级赞，好有惊喜，试完真系对佢念念不忘，拍得住出面饮料铺手摇。成个味道好清新唔人工，口感好浓厚，唔会太甜，味道刚刚好。唔会系超草青味道嘅牛油果，即使唔爱牛油果既人应该都接受到，但一杯饮哂都几饱，因为真心真材实料，建议2人Share饮。
✨芒果热情果沙冰 $48
★★★☆☆
反而呢杯就正正常常，有对比有伤害，佢饮落比较系人工甜味多，似系用水果糖浆加水果整出黎，唔算特别推荐大家饮。
🌟总括：牛河好食，牛油果沙冰必点，三文治都唔错。种类多份量都大份，适合几个朋友屋企人食。
张贴
