柳氏家 (已結業)

星期一嘅晚上同住响粉岭嘅闺蜜食新开嘅辣炒鸡自从两年前嘅寒冬晚上响韩国食过辣炒鸡之后，就一直对呢种食物念念不忘，好想再响香港品尝！可惜香港虽然有好多韩国菜餐厅，但就甚少卖辣炒鸡嘅地方难得遇到，当然唔好执输啦我地两个准时7点去到，仲以为时间尚早，应该会有好多位。点知去到果时，接待员就同我地讲，如果要坐d由店员响我地面前新鲜即席炒鸡嘅位，已经full左咁我地唯有退而求其次，坐d已经预先煮好，再捧出来比我地食嘅位啦，所以就唔洗等位，即入我地食嘅系signature嘅柳氏家辣炒鸡。见一大碟鸡热辣辣出紧烟，个样好吸引啊！可惜食落果个味，同平时响超市买嘅果只韩国辣酱完全无分别，唔难食，不过味道唔特别，我自己响屋企都煮到！加上个铁板无keep住加热，搞到d食物好快就冻左所以$198一位就有d贵啦，好彩个价系包埋其他食物任食嘅，例如泡菜，韩式炒年糕，炸鸡等等，仲有饮品任饮，整体质素都ok所以总括而言，可以一试，不过唔好太大期望觉得可以食翻响韩国嘅味道！