時新漢堡飽 (已結業)

以前每逢演唱会都会食时新，听到佢话唔做真系觉得好可惜。不过而家喺黄埔新天地重开，出开黄埔梗系要去怀缅下。一来到就发现原来他们作了期间限定套餐（复仇终局·冇厕所位），当然要试试啦。店内环境比旧店阔络，可容纳更多客人，而且坐得更舒适。炸脾同薯条可以share食，朋友另外再叫多个双层汉堡芝士包同红豆冰。双层汉堡芝士包包够软熟，两块汉堡煎得外层香脆，加埋个酸酸甜甜嘅沙律酱，味道依然。炸薯条仲系波浪纹，而家好少地方有！热辣辣新鲜炸起，外脆内软！炸鸡髀香气十足，色泽金黄，外脆内嫩，鸡脾肉仍然保持滑溜多汁。红豆冰啖啖红豆香，红豆味好浓而且仲起晒沙，好好味！