小木屋之自悠廚房

营业中

休息中

同事带我来呢间，小木屋，原来系食马拉野的。位于熟食中心内，预左衞生麻麻。坐位唔算多。齐齐坐圆櫈，唔算好迫夹，但绝对讲唔上系舒服的。餐牌一张，由A 至 F 。第一次食，当然试试佢的肉骨茶。要食就要耐心的等待，大约二十分钟左右先有。份量都几多的，一个 man 都够饱。新鲜逐煲煮，算热辣辣嘅。肉骨两条，有豆 pop , 特制扎肉同肉丸，仲有D金菇同生菜，讲真系算足料的。可惜汤底偏淡，冇乜味，唔算咸亦冇乜药材味。记得去马拉食的肉骨茶系好重药材味好补架麻，少少失望。套餐送特饮，系罗汉果陈皮甘草茶，味道可以的，飮得出自已煲冇添加。可惜系唔冻唔热的常温饮品，感觉唔衞生，个人唔太喜爱。