Coffee by Zion

营业中

休息中

呢间cafe 啲嘢食真心几好食，唔似平时有啲cafe得个样，但系味道普普通通，唔怪得之餐厅嘅人流都几多～✎ 香蒜橄榄油扁意粉材料有菠菜、芦笋、蒜同埋意粉。意粉爽口有咬牙，份量都几多，整碟几多蒜，蒜香味浓，再配搭橄榄油，健康之余惹味非常，而菠菜同芦笋嘅加入带嚟清新感～✎ 牛油果美国熟成牛肉汉堡包材料有蕃茄、生菜、一片芝士、牛油果同牛扒。牛扒煎到外硬内腍，浓郁牛肉味，放入口香气四溢～ 牛油果份量都几多下，牛油果、生菜、蕃茄嘅配搭同样都增添咗清新感，令到整体口感冇咁易腻；包皮好松软。薯条整得几脆，几粗身，入口充满薯仔味，食落亦唔会太淡，每条薯仔表面都洒左盐，配埋蕃茄味浓郁嘅蕃茄酱，十份滋味！餐汤系bacon onion mushroom soup，香料味较重，菇几爽口，整体偏creamy，好饮！✎ 薯饼 非常有薯仔味，外脆内腍～✎ 焦糖香蕉榛子酱可颂窝夫配朱古力雪糕材料有香蕉、蓝莓、朱古力雪糕同埋窝夫。香蕉质感结实，唔系烂𠮶种；蓝莓口感新鲜；窝夫同样外脆内软，散发着香浓蛋香味，表面有糖霜同可可粉，而隔望都有啲焦糖酱同榛子酱可以点，份量适中令到整个窝夫甜而不腻；朱古力雪糕味道甜苦交叠，最正嘅系