昌記(星洲)海南雞飯 (已結業)

寻日系北上工作前, 特登由TST去元朗试昌记, 以前住过元朗, 所以地方对我唔算难揾.店入面坐位唔多, 只得店主同阿姐二人.我叫左鸡饭跟例汤($32), 见隔离枱碟饭唔系好大,于是叫阿姐比多小小饭, 点知阿姐细细声话"唔得...老细住!".... 下...下面食评又话主动添饭既???系咪其它食友攞相机影相原故(老细知d人放上网)??? 算啦...讲下味道.鸡 - 普通分量,好滑, 虽唔够鸡味, 个人觉得好过好时, 但系有d有骨, 有d又冇骨...油饭 - 分量小左d, 好香, 够味, 粒粒分明...辣酱 - 酸辣度适中, 又唔太希, 好惹味... 例汤 - 花生眉豆鸡脚, 饮唔出有落帅傅, 真材实料...个笑面系比个味道既, 分量真系唔多够, 其实加小小饭都唔过份啫, 再唔系可以设有加底, 因为叫多碗又太多.