廿一堂

营业中

休息中

本来想去另一间乌冬店 ，但竟然无乌冬卖，唯有转阵。初初开𠮶阵好多人，年半后今日呢日经过见无乜人就试吓新嘢啦。叫咗个炭烧鸟丼配柠檬，加无糖可乐，$59。讲白啲，就系柠檬汁炭烧鸡丝饭。大部分日式盖饭店通常配鸡扒，炭烧鸡丝嘅做法，稍一不慎就好易过哂火煮到鸡丝都变哂柴。咁呢个鸡丝就无过笼，都食得入口，只系味道略淡，连个烧汁都只系微咸。打开见到饭份量唔多，揾匙羹一笃，好快就笃到碗底，三两啖就食哂。之前网友反映话饭一饼饼，好在我𠮶份就无。总结嚟讲味道可以，但午餐嘅价钱只得下午茶餐嘅份量，乐富有非常多更好嘅选择。