川味閣

营业中

休息中

元朗区好多食肆，试过其他区嘅川味阁，所以今日试埋元朗店。叫咗酸辣炸酱米线$28，比屯门店贵一蚊，加$8麻辣腩肉，腩肉偏肥，另外加了$6通菜，菜都翠绿，屯门𠮶间会煮到d菜黄唒，味道OK。多肉碎同酸菜，味道可以，米线份量偏多，所以抵食嘅。但系杯嘢饮就比其他分店细好多。同埋张凳有椅背，之前喺屯门分店食过，要坐园櫈好唔舒服。，所以呢个系加分。另外要自己扫二维码落单，有啲麻烦，见到有学生冇电话，阿姐都唔帮佢攞单，情愿借手机俾佢扫二维码，咁奇怪嘅？