大師傅粥品 (太和廣場西翼)

营业中

休息中

太和港铁站附近无咩早餐啱食，见到呢间粥舖，谂起都有一排无食粥，就入去食嘞。艇仔粥（$28）粥底够哂热，口感好绵；碎牛多，滑身；水鱿爽口；猪皮都爽口；花生脆，味道可以。豉油王炒面（$16）微温，面条有咬口，少量芽菜，味道偏淡唔咸，自己加芝麻提味。咸肉粽（$22）可选甜或咸，拣咗后者，附上甜豉油。粽够热，唔算大只，一般size，绿豆馅算多，一细旧肥猪肉，味道可以。炸两（$20）可选大或细，要咗大，有三条，份量都多。肠粉皮算滑，油炸鬼微脆。自己加麻酱、甜酱、辣酱、芝麻提味。