影片
更多
2022-05-13
991 浏览
沙田新城巿广场真系每逢假期都一定好多人。谂住拖到四点先去揾嘢食会少啲人, 点知周围揾位都仲系要等。去到哩间Aburi牛丼，两位啱啱即刻可以入 (前边三位𠮶枱都仲要等多阵。) 饿到都无力再谂。 小食叫芥辣八爪鱼 ($38), 包装货嘢, 味道都系食开嘅， 冲绳猪肉煎饺 ($48) 都OK, 无咩特别。朋友见黑咖喱好似好得意，叫咗宫崎和牛芝士黑咖哩饭($118)，我以为哩啲玩嘢菜式好易出事，卖相仲有啲吓人，我试佢一啖, 味道其实似普通咖哩饭，少少芝士味，合格。宫崎和牛‧鳝鱼双拼饭($169)，牛有机会系牛肋肉，因为有少少脂肪，本身好怕食和牛，就系怕油份高，佢切得都几薄，所以反而唔太油，和牛牛肉味一向较淡，想食肉味都唔系食和牛。至于条鳗鱼，系正常嘅味道，鳗鱼汁够多，最怕啲饭唔够汁, 唔够味。另外叫咗啤酒同特饮，无咩特别。总括而言算合格，两个人食咗$500多少少，但唔系特别出色，如果唔驶等位，可以去食嘅，不过唔会特别主动去食第二次。
小食叫芥辣八爪鱼 ($38), 包装货嘢, 味道都系食开嘅， 冲绳猪肉煎饺 ($48) 都OK, 无咩特别。
朋友见黑咖喱好似好得意，叫咗宫崎和牛芝士黑咖哩饭($118)，我以为哩啲玩嘢菜式好易出事，卖相仲有啲吓人，我试佢一啖, 味道其实似普通咖哩饭，少少芝士味，合格。
宫崎和牛‧鳝鱼双拼饭($169)，牛有机会系牛肋肉，因为有少少脂肪，本身好怕食和牛，就系怕油份高，佢切得都几薄，所以反而唔太油，和牛牛肉味一向较淡，想食肉味都唔系食和牛。至于条鳗鱼，系正常嘅味道，鳗鱼汁够多，最怕啲饭唔够汁, 唔够味。
另外叫咗啤酒同特饮，无咩特别。
总括而言算合格，两个人食咗$500多少少，但唔系特别出色，如果唔驶等位，可以去食嘅，不过唔会特别主动去食第二次。
张贴
