雲桂香米線專門店

营业中

休息中

以前谭仔未咁成行成市嘅时候，我已经好钟意食米线，有一排成日都食云桂香。见好耐冇食过，所以今日经过云桂香就想回味下。一坐低系卡位，见到枱面有好几只小昆虫，即刻吓到转枱。我有同店员反映，但似乎佢哋都系无动于衷。我哋叫咗猪软骨芥兰米线，同埋鸡丝鱼肉豆腐米线。汤底都几惹味，入面有芽菜，肉碎，酸菜等配料，但米线份量比以前少咗好多。猪软骨虽然炆到好稔，但真系咸到不得了，食完真系好口渴。鱼肉豆腐系新鲜炸起，味道唔错。鸡丝唔算鞋口，味道都正常。希望下次再嚟云南香食物质素同衞生都会有改善。