函館元祖北海道拉麵

营业中

休息中

今日同女友下午去行柏架山，去前去侧鱼涌揾野食先。侧鱼涌站出就揾左野食先，行经海光街，见到呢间，想食下拉面，就入左去。睇到餐牌，呢度啲拉面基本上一样，系汤底有分别，我地就点左个牛乳芝士拉面同沾面，再加钱$25要多碟饺子（3只）沾面系用粗面，有咬劲，不过汤底好似咸过头，食完冇点饮啲汤，味道几好。牛乳芝士拉面系用普通拉面，可以加钱转做粗面，不过我地冇转。汤底好浓，芝士份量好多，夹上黎好似旧咬完既香口胶咁。不过我觉得有啲「漏」。汤底饮左小小，平时我食面系会饮埋汤底（比女友话过唔小次），呢次就饮唔哂，主要原因系味道唔多岩我，普普通通啦。配菜碟饺子几好食，不过觉得cp值唔高，25蚊先得3只，除返要$8.3一只，个人觉得贵左啲啰。