圓山台灣料理 (已結業)

夜市收档前食咗次，之前都食过，印象中人唔多食物都唔错，但贵啲。再去食睇睇如何小食要咗个鸭舌同蛋，蛋唔记得咩名，但中间夹咗啲火腿，系手功嘢鸭舌有别于我认识嘅味道，都好味，酱味好浓叫左樟茶鸭，好干，味道麻麻，肉质干到无晒汁，又无嘢点，仲比个夹饼你夹，真系干上加干... 最惨系连肉都干晒，唔新鲜有个煎蚝饼，香脆，味道尚可小炒王，呢个明明系港式大排档嘢...但好食，有镬气整体觉味道唔系差，都好食，但叫台湾嘢就未免有啲挂羊头卖狗肉...又或者话佢所谓嘅台湾嘢都唔及港式小炒好食...有两样不满1)出菜！明明店唔多人，得三四张枱左右，但见到好几次啲菜整起喺架车推埋出嚟都唔上枱...眼白白睇住我碟𩠌放凉，感觉好差...好似蚝饼同小食咁，睇住佢架车就停喺出面但死唔拎上嚟...管理可唔可以好少少？！2) 清洁而家疫情仲未过去，环境卫生都好紧要。好彩食完先见到！！！喺厨房隔离就洗手间...唔紧要，土地问题...但洗手间前面一开门就系上菜车！上面放咗出菜，仲有一啲出菜用嘅调味碟，全部都无遮掩咁放喺厕所前面 好呕....食物唔系唔好食，但呢两点就唔会回头喇...