牛牛小廚

营业中

休息中

疫情期间执左唔少小店，但幸好随即开左新餐厅。今次呢间茶餐厅LUNCH时间，8成满，估计味道应该唔差🤔。招牌猪扒蕃茄通 $48我本身以为好似翠X个茄通咁杰，但原来系两回事😶，所以我麻麻地呢个通粉。猪扒调味唔差，但咸左D，肉质偏实；火腿奄列有惊喜，蛋汁8成熟，而且好有蛋香；厚多士有烘过，上枱果阵虽然唔热，但仲脆。咖哩脆鸡球饭 $50咖喱好香，但咸得制。炸鸡份量好多、炸到好干身，浸完汁都脆，不过有D介口；薯仔都有少，整体份量充足。食物选择唔少，仲有午市套餐，价钱唔算好贵，不过以新餐厅黎讲，环境整齐程度有待改善😥。