御滿庭 (已結業)

大年初三夜晚，我地一家例牌同埋成大班朋友(廿几人)食饭，顺便团拜。今次去左"御满庭"，地点都算就脚。叫左好多味，想讲下比较"突出"嘅几味。个"南乳炸肉块"炸得几脆，味度都可以，但食多几件就会腻。有味"发财好市大利"，上面有啲size唔系好大嘅冬菇，得几只。一围枱有成十几人，一人分半只都未必分到.......我觉得最经典𠮶味嘅系"炸子鸡"，只鸡一定系冰鲜。冰鲜鸡如果处理得好嘅，都可以整得好好味。可惜佢只炸子鸡系"梅"嘅.......而且可能未解冻得透，啲雪味好劲。除左雪味之外仲有上几味𠮶个"南乳炸肉块"𠮶啲味，深信系用同一镬油去炸。搞到好似同一味食左两次但肉质唔同lor~而外观方面，只鸡切得唔靓之余，本身只鸡嘅表皮都唔系完整。对于只鸡我唔会奢望好好食，但至少可以摆得入口，只鸡真系有少少失败。而个红豆沙同糯米饭又唔错，红豆沙几多红豆。