霞飛會館 (已搬遷) 新店位置

今日一个人喺中环做嘢，中午周围无位食饭就上咗霞飞会馆。上到去门口个阿姐目无表情话要等㖞，跟住转头阿部长就叫我坐门口𠮶张细枱。都算，一个人无所谓。坐低点咗个小笼饱同一碗担担面，整体味道唔错，特别系碗面，个酱汁同汤好香浓，不过小笼饱就不过不失啦。但服务方面就真系不敢恭维。我十二点九坐低点菜，一点三食完即刻俾人收哂啲嘢要埋单，我话我未走㖞，部长黑哂面话最好唔好啦。讲真大佬呀，我埋单一个人将近百七蚊，净茶芥加一都成五十蚊，你唔系咁嘅态度啩。味道唔错都假，中环价钱但态度咁差，总之以后唔会再嚟。