盈彩海鮮火鍋酒家 (已結業)

今日系打风季节10号风球，终于等到落到8号，当然就即刻想落去楼下食返个餐啦，但系因为好多地方都已经 收工或者系冇得买嘢食，唯独就系这间酒楼侧边的餐厅重有开，所以我哋今次就决定试试，我哋一直冇去试，就惊又中伏嘅心态，但系食完之后有意外觉得唔错。虽然卫生就一般般，但系都可以接受嘅，今次打风佢竟然有个打风餐，我哋最后就叫咗一个三丝炒面，一个 小炒王套餐， 大约你都系预返58至68蚊有饮品，价钱已经畀我心目中平好多，因为始终都系打风关系。待应都几好，畀一杯水畀咗筷子我哋，今次可能因为我哋差不多八点钟先落到去，人就唔算多，所以等咗大约15至20分钟嘢食就嚟到。三丝炒面畀我心目中好大碟，而且味道都好好食，三丝份量够多酱汁唔会话好咸，炒面都炸得几好， 而且唔太油。 之后小炒王嚟到，味道就一般，虾同带子都唔算十分之新鲜，但系已68蚊嚟讲都可以接受，白饭只属一般但系够大碗。饮品方面冻奶茶好甜，但幸好仲有少少茶味，柠檬茶完全失望，柠檬唔好味，所以更加之难，饮饮咗一啖之后就放弃。