盈彩海鮮火鍋酒家 (已結業)

如果只可以揀一樣餸黎送飯 我一定會揀蝦醬鮮魷😋😋🦑💕盈彩酒樓食得出家常便飯嘅味道食客主要都係附近街坊 大家都好熟悉今次見佢哋出左新pairing menu 見到有我最愛嘅蝦醬鮮魷 我就即刻叫咗🦑魷魚份量ok 有咬口🦑食落帶出微微蝦醬鹹香味🦑魷魚本身冇乜味 主要食佢口感🦑西芹爽口 又帶有蝦醬咸鮮味 呢個配搭正啊成個pairing跟了一杯真澄白妙🤤襯托到蝦醬鮮魷嘅味道 魷魚鮮味十足🥢收工一餐簡單便飯 性價比極高

街坊生意盈彩酒樓做屋村街坊生意，多數都係價廉物美，水準合格，算抵食。喺區內都非常受歡迎！整體評分3.5/5主要係性價比高🥳點心種類多，而且有好多優惠。一打開餐牌就見到呢個活動，覺得都幾特別，有三款菜式，每款菜式都會配一杯清酒，價錢around $100一個pairing!!有冇諗過街坊酒樓都有清酒，成個感覺高級左🤣🤣三款菜式之中最吸引我嘅係盈彩小炒王，跟埋一杯真澄茅色清酒，酒杯都好精緻。上菜速度快，小炒王香氣十足，聞落幾野味呢，用咗蝦乾同埋海鮮炒香🦞🦐🦀🦑喺屋村酒樓度飲sake個感幾特別😆特此記錄

🍵@盈彩海鮮火鍋酒家工作緣故，間唔中都會嚟到葵涌商場食飯，位於2樓嘅盈彩酒樓，地方簡單闊落，款式種類多元化。人均消費HKD100都可以食得好飽🤩呢啲就係屋村酒樓嘅吸引之處，平民化、性價比高。性價比💎💎💎💎💎咁叫咗啲晚市小菜，我就最鍾意食蝦醬鮮魷🦑有冇人同我一樣喜好🤤🤤鮮魷同西芹比例恰到好處，唔會話太多西芹但得好少鮮魷👍🏻蝦醬鹹鮮味就最襯鮮魷，因為鮮魷本身冇乜味，主要係食佢煙韌嘅口感🤤送飯一流👍🏻👍🏻傳統酒樓都搞搞新意思，有幾款海鮮會跟埋清酒，蝦醬西芹炒鮮油就係其中一款，佢係跟真澄白妙，之前都飲過呢隻清酒，酒精濃度唔算話好高， 有輕微提鮮嘅作用。埋單每人$100多啲，都幾抵食。

2021年9月🤓記錄一下舊式酒樓所見所聞、人情世故！作為街坊酒樓，附近都係得佢一間，開業已久，裝修保留原先樣子。講咗個總結先：價錢正常，份量十足，食物質素都合格的🥳無時無刻都唔少街坊捧場，唔係冇佢嘅道理。晚市必點盈彩小炒王，舊式酒樓鑊氣就最夠，料頭十足，蒜味幾香，仲有其他野味一齊炒，例如魷魚、蝦仁🍤舊式酒樓都搞搞新意思，海鮮愛上清酒！純米酒散發微微香氣，入口有少少辛辣，襯托返小炒皇😎同部長、店員嘅對話大聲講大聲笑，呢仲感覺係舊式酒樓先做到！

位於朋友花店附近嘅一間茶樓，比起其他茶樓更加傳統，冇知客帶位，自己入去搵位坐低就可以，當然要安心出行🤐-----價錢來講算抵食，人均唔洗$100可以食到飽，有時仲可以打包拎走👏🏻-----你又點會估到一間咁傳統嘅酒樓，竟然有日本清酒配搭嚟個crossover!!!$98就決定try try!!🀄️盈彩小炒皇🀄️有多種蝦乾野味，想到枱熱辣辣，鑊氣十足🀄️夠大份，叫多個餸一齊share就夠曬飽🎴真澄 茅色🎴帶出米酒嘅香氣，同時又有小小辛口的感覺-----相信好快又會再食，因為附近根本冇咩好嘅酒樓🤣

公司附近飲茶好去處非盈彩莫屬！！味道夠傳統，價錢又抵，附近嘅居民都一定識得黎👍🏻🤘🏻前幾日收工約埋同事一齊食個晚飯，每人揀一個餸，仲叫埋酒飲，落單嗰時先知原來呢度仲有清酒飲！有個menu推介蝦醬西芹炒鮮魷配真澄白妙$108，我哋就叫咗一set!!鮮魷份量都幾多，蝦醬惹味，帶出鹹鮮味。呢杯清酒酒精濃度唔高，可以平衡番蝦醬鮮魷嘅鹹味，突出鮮味🦑其他菜式都正常，大件夾抵食，除翻開平均每人$80-100就搞掂😀

今早去飲茶首先環境殘舊 茶杯有污漬 地下污糟但重點係！！！有位女職員係長期拉低口罩冇人理，向經理投訴完拉高唔夠十分鐘又拉低，經理知道我們還沒走，拉「牠」進房間，在外面聽到「牠」在房間大聲說：「d客驚死唔好黎」聽到超嬲，個經理仲笑笑口話佢成日都係咁😩你知就唔好比佢開工啦，佢又送餐又開茶成堆老人家，傳染咗邊個負責先這一區之前附近都有幾宗疫症的個案，又有隔離酒店係附近，酒樓又不夠重視這個問題，建議不想染病就不要去吃

又到左食大閘蟹嘅季節，上網搵邊間抵食啲，見到呢間除咗大閘蟹之外仲有其他好吸引嘅菜式可以任食！網上面顯示係$328一位，可以話係我從未見過咁平嘅任食大閘蟹套餐！去到餐廳先知道要計埋服務費加茶芥每位差唔多$400，呢個價錢可以話周圍都有呢間酒樓位於葵涌邨，應該有好多年歷史，裏面裝修比較舊。一開始佢哋先會喺餐牌上面每一樣都上一次。呢個頂級鮮蟹肉燕窩羹，我自問真係唔係好食得出有蟹味只係知道飲完會好飽肚！鮑魚個汁唔錯，都幾大粒，都一樣係食得多會滯！我一直期待嘅重點，呢隻已經算係我開到最多蟹膏既一隻！因為佢哋每次只可以每人叫一隻，而我叫完之後佢哋又蒸唔切，變咗限時100分鐘內係食唔到自己想食嘅份量！同服務員講一次可唔可以每人上兩隻，食唔晒最多賠錢比佢哋，佢就話我哋只係專注食蟹唔叫其他嘢食廚房蒸唔切！我就係上網格價見到你哋比較優惠先黎試，黎到發現原來都要成$400！如果你哋想用其他嘢餵飽食客，就唔好話呢個係大閘蟹放題！蒸唔切你哋可以買多幾個爐！又或者唔好限定100分鐘！我有權選擇叫咩食！好嬲！我食你其他小菜我出去其他地方食都得啦！佢哋色彩大致上冇咩問題，但係拖時間搞到我食唔夠喉就一定唔會再幫襯。好彩

今日難得家人得閒，所以過來飲早茶，原來早餐時間來仲有二件點心二十多元都幾平，最後一共叫了六個點心結帳100都抵食，首先來到的每次來必叫的蕃薯糖水，蕃薯口感都不錯但今次的糖水不夠辣度，之後來的煎腸粉但來到已經是凍有點失望，煎得不夠香口。蝦餃夠大隻蝦都幾爽，馬拉糕都幾大舊，不過口感就比較硬身，山竹牛肉來到夠熱，牛肉味都夠味，加了醋再好味點。鴨腳扎味道都不錯，不過肉味偏少，芋頭都幾淋身入味。茶只可講普通不難飲，乾淨程度都可以，有時想方便點都會來這間飲茶。

由於工作的關係， 大多數都會葵涌商場食午餐， 今日就去葵涌商場 二樓 盈彩酒樓隔離嘅盈彩米線 食碟頭飯。(此乃酒樓的附屬餐廳。簡單地方闊落， 入面啲姐姐都好 有禮貌。 款式種類都很多。咁叫咗個梅菜扣肉飯， 梅菜同埋溝肉 比例拾到好處而且好大碟， 扣肉半肥瘦唔會個肥 梅菜甜 簡直係撈飯殺手， 值得一試再試Hkd 48另外叫咗個魚香茄子煲 套餐， 有菜同埋湯加白飯， 這個煲 就麻麻地， 嗰份多欠唔夠乾身。例湯過 鹹， 要改善下。 整體大致都ok可以再嚟試下其他新嘢

今日朋友來找我飲茶，而我家附近只有一間盈彩，去到差不多三點都不少人飲茶，今次專叫下午茶單，最後二人每人六十六元都十分飽，而味道大多不錯。炒銀針粉都有熱度，但好碎好難夾，味道都偏淡，香煎魚茸尖椒好味道，新鮮而且夠熱，不過尖椒沒有辣度，炸雲吞有三件都幾脆口，不油幾好。牛肉燒賣和山竹牛肉，牛肉味偏少而且有點乾身，二款比較普通。蕃薯糖水依然好味夠辣和蕃薯好淋身，香芋鴨腳扎油了點而且芋頭沒有味有失望,鴨腳都入味。

這間盈彩就在家樓下但都不是常常去吃，今日見難得家人得閒又吾想去咁遠就話食這間，去到不用等位就可以有得食，點心紙選擇都不少而價錢吾叫十分平但都合理，今次叫了四個點心食都輕量都飽，點心大約十幾分鐘就來到，最愛的馬拉糕吾濕而且口感軟熟好味道又大件，黃金糕因為不是煎，一大舊咁難`撕開而味道淡淡都可以吾太甜，蝦餃比心目中好道喎，蝦都大隻新幾新鮮，皮都幾薄吾會一夾就爛整得不錯。最後就是鳳爪帶點辣度有驚喜且都夠淋身夠入味但份量太少就有失望，茶就普通但未至於用茶根都可以。

今日早了工作結束，在附近的商場見到有間酒樓叫盈彩，見好耐都冇去飲茶最後一枝公去食午餐，入到去都是舊式街坊酒樓，因為一人原因不用咁多，最後叫了三個點心都夠食，這裡的茶味道都可以吾差，而侍應都幾快手，食物不用十分鐘就開始來有得食。珍珠雞沒想到會咁大而且仲要勁厚身，不過入面料不太多，好彩有不少咸蛋而味道都不錯。排骨味都可以如果濃點會更好，而下面芋頭勁少有失望，因為排骨都不太多，最後就叫蒸飯咸魚肉餅飯，白飯比較硬而肉餅勁薄，咸魚味好淡又乾失望，價錢都可以但食物質素有進步空間。

今日係打風季節10號風球，終於等到落到8號，當然就即刻想落去樓下食返個餐啦，但係因為好多地方都已經 收工或者係冇得買嘢食，唯獨就係這間酒樓側邊的餐廳重有開，所以我哋今次就決定試試，我哋一直冇去試，就驚又中伏嘅心態，但係食完之後有意外覺得唔錯。雖然衛生就一般般，但係都可以接受嘅，今次打風佢竟然有個打風餐，我哋最後就叫咗一個三絲炒麵，一個 小炒王套餐， 大約你都係預返58至68蚊有飲品，價錢已經畀我心目中平好多，因為始終都係打風關係。待應都幾好，畀一杯水畀咗筷子我哋，今次可能因為我哋差不多八點鐘先落到去，人就唔算多，所以等咗大約15至20分鐘嘢食就嚟到。三絲炒麵畀我心目中好大碟，而且味道都好好食，三絲份量夠多醬汁唔會話好咸，炒麵都炸得幾好， 而且唔太油。 之後小炒王嚟到，味道就一般，蝦同帶子都唔算十分之新鮮，但係已68蚊嚟講都可以接受，白飯只屬一般但係夠大碗。飲品方面凍奶茶好甜，但幸好仲有少少茶味，檸檬茶完全失望，檸檬唔好味，所以更加之難，飲飲咗一啖之後就放棄。

叫左一碗雲吞 璀極都唔尼 唔同我地講冇就轉左做水餃 到左係凍既 仲要食落臭臭地 都唔知擺左幾耐炒米粉又係凍 冇味叉燒包同腸粉好似食緊麵粉 成口都係一團團既野 未食過咁難食既野！都都唔知乜野茶樓尼 不知所謂 冇一樣野入得口