泰國佬餐廳 (已結業)

之前去过堂食觉得味道唔错，午餐同下午茶时段都有set几抵食，疫情间咁啱见到外卖平台有优惠，就嗌个外卖再帮衬下啦～无骨海南鸡好嫩滑又多肉，配咗一款泰色辣汁，不过油饭就冇乜特别；青咖喱汁好好味捞饭一流，有好多旧牛肉同茄子，咖喱汁如果杰身番啲就更加好。泰式猪颈肉几香但有啲干同硬；肉碎生菜包就最满意，生菜几新鲜，送嚟时系用保鲜纸包住，肉碎微辣好香口。泰式咖啡奶茶通常俾人感觉都好甜，但依间嘅又刚好，比较适合香港人口味。