K-Pop snack (已結業)

今日下午经过K-pop餐厅，门口menu见到有韩国菜式，睇图片食物望落好似几吸引就入去试下。餐厅里面环境阔落，座位都几多，主要系卡位。店员会提供menu同点餐纸，自己喺点餐纸写低要点嘅食物，先付款后上菜。我哋点咗一份lunch set，lunch set包一份主食加一份小食同一罐饮品。主食点咗铁板炒辣猪肉饭，配四粒韩式甜辣炸鸡粒同一罐韩国桃味汽水。铁板炒辣猪肉饭味道唔错，小辣，猪肉同饭嘅份量都好足，够惹味。韩式甜辣炸鸡系即叫即炸，食落热辣辣，炸鸡配甜辣酱好夹，几好食。价钱方面，lunch set只需$99，份量足，味道唔错，性价比高，值得一试。