夏麵館 (活@KCC) (已結業)

葵涌最新开左KCC，令到原本无咩野食既葵涌多左唔少选择。其中呢间夏面馆就真系唔错既选择。佢有两人餐都几抵，不过朋友唔钟意食面，我地就选择左散叫啦。花雕醉鸡：醉鸡既酒味颇浓，鸡肉分量劲足。不过肉质有点韧，可惜了！夏面馆晚餐有套餐点，价钱都系散叫加十蚊，但就有埋汤，仲可以加钱点甜品。我地就点了两个晚餐分别试了两个汤、两个主菜和两个甜点。酸辣汤：酸酸地当中又有少少辣味道都几唔错。三鲜豆腐羹：豆腐羹味道几鲜，而且当中既料都唔少，豆腐又好滑。麻婆豆腐：夏面馆的麻婆豆腐真系做到入口豆腐清，慢慢有种令舌头麻麻地既辣浸出黎。唔会只得个死辣，做得几好！✨推荐✨赛螃蟹：呢个菜就真系做得几唔错啦，虾过了冻河食落口好弹牙，而且仲大大粒。蛋白又足又滑，而且感应加左少少咸蛋白，食落有少少咸香。呢个菜清清淡淡，送饭真系一流呀！我地都差唔多食晒。高力豆沙：蛋香炸至胀卜卜，内面包住豆沙，有d似食紧泡芙，软软绵绵。豆沙窝饼：外层系普通既中式煎饼，内住同样包住豆沙，外酥内脆软绵绵。同样都系豆沙甜点但两种既口感各有不同，几好味！夏面馆每款菜分量都好多，而且味道都唔错，价钱又唔贵。值得再黎食。