夏麵館 (活@KCC) (已結業)

突然想食下上海野，晌公司附近揀間啦。夏麵館之前都有食過，今次黎KCC試下。我地太早啦，早到人地都未開門! 我地兩個人，唔係非常餓，主要叫啲小食～ ⚫️鎮江水晶肉 HKD55味道OK 但比較鬆散⚫️美味海蜇 HKD60份量都多，不過唔多入味 ⚫️酸辣湯(例) HKD65天氣凍凍地，叫個酸辣湯暖下身。 足料但略嫌太稀 … 唔係擺耐左先稀，係一上台就已經稀… 不過味道可以。⚫️嫩雞煨麵HKD55最鍾意食嫩雞煨麵，覺得清清地又唔heavy. 湯底有d似牛乳湯底。 ⚫️鮮肉小籠包 (4隻) HKD38 呢個係成晚既敗作，皮厚而且好驚訝咬落去竟然係一啖湯汁都無。不過公平啲講，4粒有2粒係完全無湯汁，另外2粒係有小小架。 兩個人食左HKD300左右，真係食到飽一飽，覺得CP 都高，呢個價錢都無乜得投訴啦～若果係追求細緻既話就未必選擇呢度。

前菜/包點+麵/飯/年糕+飲品，連加一都係$60-$80，無論係男仔定女仔都可以食得好飽，而且平有平揀，貴有貴揀，所以好多打工仔食。*涼拌粉皮粉皮滑溜，青瓜絲切絲爽脆，麻醬份量多而且芝麻味香，大推！手拍黃瓜青瓜爽脆，生蒜味濃烈，完全冇草腥味。生煎包包身太乾冇水份，入面嘅豬肉餡同樣太乾冇肉汁，而且豬肉唔新鮮。川味口水雞麵 $76湯底清淡，湯麵份量大碗，食極都有，陽春麵可以揀煮冧啲，麵條中等粗幼度，滑身未至於太冧。口水雞發揮非常一般，雞肉有啲乾，但未至於嚡，辣油唔係太辣，而且辣度單一。*嫩雞煨麵 $64唉，冇影相…雞湯濃郁，呈奶白色，麵底同樣非常多，可惜雞肉份量少，而且肉質唔夠”嫩”。*熱豆漿豆味淡，聞落飲落都有啲似杏霜。

價錢超抵食，只食幾隻蟹都已回本了😋😋大閘蟹～很多膏，都爆曬了，公都都多膏，但乸的當造，蟹膏湧出來一發不可收拾🤣，同時有硬膏也有軟膏，又正又新鮮～口水雞～香辣味炒得很香，雞肉也嫩滑，汁醬是惹味的辣～鮮拆蟹粉小籠包～湯汁多肉又新鮮，頂部的蟹粉也鮮味，正呀～鎮江水晶肉拼虎皮素鵝～素鵝很香脆，內裡的蠔油菇也夠味；水晶肉肥而不膩，冰涼的做前菜不錯～烏金蟹粉拌麵～超多蟹粉，蟹粉數量足夠拌勻整碗麵，麵質爽彈，必吃🤣酸辣湯～味道剛好，入口辣但過一會就沒事，材料比足料～高力貓山王榴槤～又係勁正，外層軟棉棉，內裡的榴槤蓉很多，榴槤味超濃郁～

夏麵館都有不少分店，食物多選擇之外，份量大而又抵食！大部分上海菜都有，我自己都中意食擔擔麵，基本上都會留意依款菜式推介排骨擔擔麵。依款擔擔麵湯底唔算太濃，但辣味都好重，麻醬味無咁多，陽春麵質頗有咬口；至於酥炸排骨都炸得好香脆，外皮唔會太厚粉，醃料適中，吃起來不會太咸。另外都點了紅油抄手，依到嘅抄手每粒都整到好大粒，餡料好足。不過佢個紅油醬汁辣得黎係偏甜，味道幾得意。以依個價錢又大大份，葵興商厦選擇而言，算係CP值較高。

好急咁用八折買左400蚊現金卷，因為買左3小時后先可以用到，點知用既時候又要限時間，最慘係仲要間間用既時間都唔同，又要散叫，唔抵之餘仲貴左，只怪自己冇睇清楚，以后幾平都唔會買🤬🤬🤬🤬夏麵館d 食物質素好一般，鑽石山店員態度仲要十分差，以后都唔會幫襯🤬🤬🤬🤬餐廳環境各方面根本就連普通茶餐廳都不如，餐具又污糟，座位又唔舒適，總之就差差差，消費左仲要一肚氣，希望大家諗清楚先好去幫襯，離晒譜！

返工嚟開葵興 lunch hour 周圍都排晒隊就搵左夏麵館試試lunch🍜叫左個午市精選套餐 包1款涼菜/點心+ 主食+飲品我就簡左鮮肉小籠包、雞扒擔擔麵、豆漿 個小籠包麻麻 塊皮勁厚 仲差過酒樓叫個啲😖😖雞扒擔擔麵都係一般般 湯底唔辣 麵質ok 塊雞扒都一般普通hea食係ok 不過可以有更好既選擇

昨天一個人見客前食午餐，走去公司附近KCC的夏麵館試吓近排很喜歡吃的酸辣湯麵，午餐不想吃得太飽，單點了一碗酸辣湯麵，端上來時覺得賣相也不太計較，但很明顯他們是沒有太在意，因為看不見主角麵條，只見一小小的。吃下去才發覺湯頭比較杰，下得太多豆粉之類，味道不夠酸不夠辣，相比之前樂富的上海姥姥落差太大，麵條是工廠製造，完全是兩回事，以前未吃過好的酸辣湯麵，不知道原來這家不太好吃终於明白有次看到一個食評寫得很有道理，“好多人乜都話好吃”，可能現今的都市人吃到麻木了，要麽就話正，先聲明我不是picky或什麼的，只是議事論事，希望大家放慢腳步细心欣賞廚師煮用心出來的食物。

前排同朋友黎葵涌呢間夏麵館食，本身呢個商場好細，就算假日人流都唔係好多，所以黎到完全唔洗等位先講講野食先，嫩雞煨麵整體好一般～雖然好大碗，但湯底好淡，無咩味，而且麵質唔夠彈。。。蟹粉小籠包就可以接受，皮薄多汁，蟹粉唔係好多，不要期望太高鍋貼就唔錯，煎得岩岩好，肉既比例都正常，好食！店員黎錯左蒸銀絲卷，好快就幫我地換炸銀絲包，但炸得唔夠均勻，另一邊完全仲係蒸既質感，呢個分要扣一扣分甜品叫左擂沙湯圓，裡面芝麻餡好香，但略嫌唔夠熱，上枱果時只係暖暖地

星期日係kcc好多食肆都無開，有開嘅又無人食，諗住夏麵館係穩陣之選，點知都係伏伏地啲餐具好拿渣，個杯裝茶落去啲油浮面㗎!油到洗幾次先用得😠都唔知有無洗碗㗎!果壺茶都唔知係咪上手飲完拎黎㗎!?裝咗兩杯茶就已經無水lu~酸辣湯麵，好少湯，而且個湯落咗好多粟粉好杰身，仲要有一舊舊鼻涕嘅粉糰係到囉!回鍋肉粗炒，無辣味，而且啲麵條碎濕濕咁，啲青椒就好似食緊煎釀三寶咁大舊😌荃灣果間好好多～無論食物質素同衞生都好好多囉!

平時去到 KCC 8 樓食飯 , 夏麵館都排曬長龍 , 好多人等 , 今日終於等到位 !! 一坐低 , 發現佢啲餐具全部油淋淋 , 好恐怖 🤢🤢 上菜嘅餐具 , 全部都係一樣咁油淋淋 , 好得人驚 ...午市套餐價錢都幾合理 ($52 - 76) , 有小食 , 主食加埋飲品 , 冇茶芥 , 有加一涼伴茄子友人點的 , 碟野好凍 , 賣相都幾差 😓  , 味道正常 生煎包 幾大隻 , 可惜皮厚餡細 😞😞 , 包皮質感非常一般 , 肉餡冇肉汁 , 成個包亦都冇香脆嘅感覺 , 只可以話佢係一個厚皮肉包 🤦🤦鮮肉小籠包都唔錯 , 皮尚算薄 , 正正常常 , 有湯汁 😃 菜肉雲吞麵 ($58)雲吞有 4 粒 , 幾大粒 , 正常質素排骨擔擔麵 ($72)排骨份量合理 , 可惜炸皮唔脆 , 淋咗 , 唔新鮮 , 肉質鞋口 , 仲有少少油膱味 , 唔好食 😩😩擔擔麵質素正常 , 湯底可揀少辣或大辣 , 食開譚仔 10 少辣可以輕鬆完成 , 湯底唔夠熱 熱豆漿正常質素整體嚟講食物質素屬中下 , 而且衛生差 , 唔會再嚟食 🤢🤢🤢👎

是次再次光臨同一上海菜館，今次要品嚐的美食彷彿上中式茶樓品茶這麼多選擇及各種分量是標準的兩倍。本人品嚐的一道是麻醬撈冷麵，麵團更是人工拉扯而成的，從不使用機器生產。故此它充滿香濃的小麥顆粒味道，韌度彈性十足。醬汁更是特別炮製的，以香濃細滑的花生醬配合少量芝麻醬而成的。把兩者跟冷麵條攪拌一起，一進口一股花生香味撲鼻而來。另一道為酸辣湯雲吞麵，是四川及江南名菜之一。湯底濃稠，用料多，材料包括冬菇、豆腐、筍、雞蛋等等。它的製法簡單，只須數分鐘即成，是一款的酸辣醒胃保健湯水，特別適合在冬天飲用，又暖身又美味。 經過了非一般的麻辣挑戰後，一生人中不吃麻辣非好漢。除了麵條套餐外，我們點了幾道點心，分別為蟹粉小籠包、茄子、生煎包及賽螃蟹。最後者更是當中最有特色的一道，它是著名的北京菜，但材料中沒有一絲蟹肉。最主要以蛋白模仿蟹肉，並加入蟹柳、蝦肉、菜粒等作裝飾增添賣相; 其次為極少機會品嚐的蟹黃小籠包，「麻雀雖小，五臟俱全」。別小看一隻小包子用料平平無奇一定是牛肉。當中的蟹黃是蟹殼的精華，它更含有香濃的鹹蛋黃，最有香味的是平時江蘇盛產大閘蟹的季節。是次難得一次品嚐到多道上海江南特色菜，不到江南非好漢。

是上次品嚐完譚仔的麻辣後，這次的辣度還是不足。感覺仍意猶未盡，繼續找尋專門吃麻辣的餐廳繼續挑戰，不一定米線專門店才能品嚐，是次再次光臨同一上海菜館點一道味道及配料相約的套餐。它是午市特價自選套餐之一，本人挑選了麻辣口水雞飯配酸辣湯。前者精心挑選即日運送不徹夜雪藏的特大新鮮雞隻炮製，肉質鮮嫩幼滑，雞肉配合已熬製10小時的口水雞汁一起進食仍保留原有的鮮味。辣度跟以花椒及尖椒榨出來的四川麻辣鍋湯底相近，一股撲鼻而來的雞汁味刺激你的味覺及不久已大汗淋漓。完成了首道麻辣關卡後，配角為酸辣湯，它是四川及江南名菜之一。湯底濃稠，用料多，材料包括冬菇、豆腐、筍、雞蛋等等。它的製法簡單，只須數分鐘即成，是一款的酸辣醒胃保健湯水，特別適合在冬天飲用，又暖身又美味。經過了非一般的麻辣挑戰後，一生人中不吃麻辣非好漢。下一次目標去麻辣發源地四川旅行品嚐較香港更麻辣達地獄級的辣，才能為挑戰畫上完美句號及完成創舉。

口㾗想食上海野，咁岩同friend係附近，就入去。叫左個咕嚕魚柳飯，加錢配小籠包，一份排骨擔擔面，一份水餃。咕嚕魚柳，酸酸甜甜，好開胃，皮都脆脆地，仲要無骨，唔錯。擔擔面，食過好多款，我本人唔鍾意食酸果款，呢隻個味唔錯，不過我鍾意湯汁濃稠d，多d花生同肉碎。ok啦。水餃同小籠包，老實講好失望，個水餃個賣相好差，係，無圖我講咩都得，似係真係用水烚，無味，個皮好厚，又爛爛地，似係一早煮定再加熱，我明做生意分秒必爭，上得遲又比人鬧，幫你解釋埋，但係都希望可以諗個辦法，唔好比我發現你煮定，比如係個皮薄d，會唔會快d熟。仲有就係個餡，我覺得唔係咁好吃~每人口味唔同~小籠包無期望亦都無驚喜，最後埋單$2百幾。總體黎講，食物素質參差，連鎖上海菜黎講可以再做好少少。

今天晚上照例又call 外賣,揀咗葵涌嘅夏麵館。叫咗兩個餸、一個飯、一個湯同一個點心。個椒鹽豬排骨好食到不得了，首先係佢炸得恰到好處，調味亦都係剛剛好，香口到令人食唔停口，亦都唔覺得膩！另外個上海老炒飯裏面有一隻隻白雪雪嘅蝦仁, 數埋數埋都差唔多有成10隻,啲飯又炒到粒粒分明,係繼椒鹽豬扒外嘅另一傑作！最後個鮮肉鍋貼裏面啲肉都調得好美味😋總括嚟講暫時搵唔到有咩可以挑剔一定會再幫襯‼️‼️

相隔多個月後，本人再光顧同一專門吃上海家鄉菜的餐廳午餐。是次不同的是自己一個品嚐自選套餐，它的組合為主菜粉麵飯、涼菜及飲品，費用總較分開單點每道菜式更便宜賣點，只須約$60起。本人點選了一份排骨擔擔麵配茄子及涼茶，排骨的份量大，跟台式的鹽酥雞般鬆脆及肉質嫩滑，恍如一絲絲頭髮平均，油而不膩。反而美中不足的是碗的體積雖大，麻辣湯水過多，拉麵的份量太少。只是約一大碗的一半也沒有，可謂有點不划算及不合比例; 小食茄子的份量尚可接受，它的纖維跟一道生菜般比重，咬口跟一片海棉彈性，把當中酸甜的汁液一下子榨出來。是次麻辣挑戰可說尚未成功，本人會品嚐口水雞飯及酸辣湯組合，當中的辣度可跟譚仔雲南米線及四川麻辣鍋的辣相比，才算是一大突破。