影片
更多
2023-02-09
2406 浏览
系中上环饮茶真系好难揾，尤其系三四点嘅时候，因为好多都已经落埸，所以依间就变咗系少数可以饮茶嘅选择，款式上就一定冇茶楼咁多选择，不过都已经叫咗唔差架啦，都几多嘢食可以选择，我哋五个人去食都食咗唔少野潮州粉果 皮唔算好厚，入面啲馅料都几足，味道都唔会过咸，都叫唔错干烧伊面味道方面就不过不失，但系伊面太硬，好似未煮够已经拿去炒，唔太好食，想食粉面的话，我都系建议叫其他野食会好啲雪山叉烧包我个人觉得系今日依餐中最好食嘅，入面包嘅叉烧馅非常入味，而且又唔会过咸，包身又软熟，再配上表面嘅雪山皮真系非常一绝，但系唯一美中不足嘅就系，佢价钱都唔平，但就系得三嚿，如果多人食就唔够分怀旧糯米鸡份量好足，就算五个人分都完全足够，味道唔会话太过重味，不过应该都系啲工厂一次过整一大堆嘅货，因为同平时系茶楼食嘅味道没有太大分别，不过都算系好食嘅，而且份量又多，几推介春风得意肠肠粉皮唔算系好厚，再加上里面抱住炸脆咗嘅虾春卷，一啖食落去好有层次；首先你会先食到肠粉皮嘅软，同埋酱油嘅味道，再之前就到春卷嘅脆口，最后再到虾肉馅，唔会太咸太淡，春卷没有因为吸到肠粉皮而变得淋身，几值得食士鱿马蹄肉饼饭 蒸饭配上甜豉油永远都
潮州粉果
皮唔算好厚，入面啲馅料都几足，味道都唔会过咸，都叫唔错
干烧伊面
味道方面就不过不失，但系伊面太硬，好似未煮够已经拿去炒，唔太好食，想食粉面的话，我都系建议叫其他野食会好啲
雪山叉烧包
我个人觉得系今日依餐中最好食嘅，入面包嘅叉烧馅非常入味，而且又唔会过咸，包身又软熟，再配上表面嘅雪山皮真系非常一绝，但系唯一美中不足嘅就系，佢价钱都唔平，但就系得三嚿，如果多人食就唔够分
怀旧糯米鸡
份量好足，就算五个人分都完全足够，味道唔会话太过重味，不过应该都系啲工厂一次过整一大堆嘅货，因为同平时系茶楼食嘅味道没有太大分别，不过都算系好食嘅，而且份量又多，几推介
春风得意肠
肠粉皮唔算系好厚，再加上里面抱住炸脆咗嘅虾春卷，一啖食落去好有层次；首先你会先食到肠粉皮嘅软，同埋酱油嘅味道，再之前就到春卷嘅脆口，最后再到虾肉馅，唔会太咸太淡，春卷没有因为吸到肠粉皮而变得淋身，几值得食
士鱿马蹄肉饼饭
蒸饭配上甜豉油永远都系冇得输架啦，肉饼份量都多，基本上每一啖都可以食到士鱿（同事觉得太好食所以自己食咗一个）当将肉饼捞匀一齐食之后，这个真的好容易食晒一整碗
香茜牛肉肠
完全食唔到芫茜嘅味道，但系里面啲肉馅都唔系好食得出系牛肉，所以变相一啖食落去净系食到啲豉油味同埋啲唔知咩肉嘅肉馅，而且肠粉皮比起春风得意肠厚身好多，所以不太推荐
红油炒手
刚好五粒，可以一人一粒，唔算好辣，所以就算唔系好食得辣都ok，唔会话食完就要饮好多水咁；虽然唔可以话系皮薄陷靓，但都唔会话皮好厚，然后肉陷就好细嚿咁，不过因为酱汁都算浓味，所以唔系好食到肉陷系咩肉，不过整体来讲都ok
蒸奶皇流沙包
唔系好甜，所以自己食晒一个都唔系好腻，流沙做得唔错，唔会话净系得少少做咗流沙，而系基本内陷都系流沙，所以食嘅时候要小心啲，唔系好容易整污糟咗自己衣服
唔记得咗咩名（前面三个好似柿嘅东西）
系新年特别菜，所以专登叫嚟试试，外面𠮶一层嘅质感有啲似地瓜圆，最顶𠮶啲应该系装饰唔食得嘅，内陷就系莲蓉馅，所以依个都几饱肚，味道就不过不失咁
咸水角（后面）
真系食得出系新鲜炸出来，唔系一早炸定等你叫先翻炸，不过味道同平时去茶楼食嘅差唔多，冇咩特别
整体来讲，味道方面系唔错，但系时间许可的话，都系去茶楼食会比较好少少，会坐得舒服啲
以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
张贴
