聚點坊小廚

营业中

休息中

起29/11，因為同親戚走左去上環，所以入左呢間店試下。環境似舊式茶樓格局，不過都算乾淨。我同我親戚當時就叫左唔同架點心同飯。點樣果邊就講過佢地嘅點心係手工整成。當時最為推薦嘅就係手工炸流心奶黃包，外脆內軟，奶黃會爆出來，超正。煎蛋牛肉飯都唔錯，牛肉新鮮，飯味都唔錯。素鮮竹卷食材都幾豐富下。整體來講手工點心幾好幾新鮮，值得食下。

平時食開連鎖大牌子酒樓朋友介紹：不如試吓呢間點心小店門外長期排隊 深受歐美日韓遊客歡迎食過一次之後 都忍不住回頭幾次店內點心全部自家新鮮製作 非攞貨Hea你 絕對有誠意特別推薦：蒜香炸春卷 雪山叉燒包 乾炒牛河乾炒牛河真心有驚喜 炒得很香很乾身 河粉煙煙韌韌 雪山叉燒包絕對比得上大牌米芝蓮點心 轉香炸春卷點醋 香口得來又不會太滯亦都試過佢嘅招牌春風得意腸 有別於一般用油炸鬼蝦滑 店家係春卷做餡 所以更加脆口 唯一覺得腸粉皮可以做得更薄 略嫌有啲厚粉總括而言，絕對值得一試的點心店

紮根上環嘅聚點坊，相信街坊同上班族都唔陌生，今日我哋午市時間去，目測9成滿座，唔需要等位，唔算闊落，志在嘆番一盅兩件。先嚟春風得意腸，熱氣騰騰，內裏嘅腐皮卷夠脆，而醬汁甘甜，可謂開個靚頭。淮山雞扎，包裹喺腐皮下嘅冬菇、魚肚、雞肉、淮山好似一幅描畫山水同飛鳥嘅水墨畫，內容豐富而輕描淡寫，試得出餐廳對食材嘅處理。我哋嘅第一感受係：不過不失啦。而點心之王嘅蝦餃，就比到少少驚喜，蝦餃皮厚薄彈性適中，蝦肉彈牙爽口，筍粒帶嚟些微清爽，平民點心嚟講，加上堂食熱辣辣有加成，冇挑剔嘅位。相反，我哋每次飲茶，或者食上海嘢都必嗌嘅小籠包，偏厚嘅皮遇上蒸得太耐嘅問題，令到口感過硬同「食麵粉」嘅感覺，湯汁唔多亦有啲扣分。廣東酒樓每枱一盅嘅鳳爪排骨飯，我哋偏好硬飯同多汁，硬橋硬馬，唔會暴露肉類，特別係排骨嘅雪藏味。呢盅飯就正好滿足上述條件。成餐飯嚟講，茶水就一定冇茶樓咁靚，呢度嘅點心夠熱，「一熱遮三醜」，至少食得滿足。食物味道偏濃，健康路線嘅朋友或者老人家要注意。印象中聚點坊係COVID期間頭幾間出現個案嘅鋪頭，好彩捱過疫情，唔係嘅話街坊街里又少一個嘆平民點心嘅聚處(5個點心加茶水大概150，中上環嚟講算make

樓面有兩個上菜嬸嬸 兩位男士。四個人服務過五十人嘅樓面。非常之頻撲。第一次問疑似經理嘅男士攞辣椒醬，等左幾分鐘見佢來來回回幾次都未有，於是再問。今次佢立刻有俾。之後牛肉球覺得喼汁唔夠。老實講見到四個樓面無時停都唔知問邊個好。已經一路觀察佢地面色係咪好忙，等嬸嬸A上完菜回程先問其中一個。佢好似聽到 但係無任何回應。於是我再等幾分鐘，都係無。我啲牛肉球已經開始涼。於是又觀察下等另一個嬸嬸B上完菜回程先問，佢亦都無俾回應我。等左一陣，都無。咁唔知係咪上菜嬸嬸係唔負責其他服務只係負責上菜啦。於是我問貌似經理嘅男士。呢五次我每次都係正常有禮貌咁問 唔該可唔可以俾辣椒醬/喼汁我。老實講我覺得我已經好體諒佢地忙。食飯變左觀察邊個得閒，叫左要估究竟等幾多分鐘先知佢地係唔記得定聽唔到....見佢地咁忙 我都覺得算數，無投訴亦繼續保持禮貌。咁呢次問呢個經理，佢有即刻俾喼汁我，而嬸嬸B又咁岩又俾喼汁我，然後呢位經理就辣慶左啦。佢話類似係”你問幾個人攞野 我地好唔得閒點點點” 我話”問左幾次所以再問呀。”（老實講我一啲唔耐煩唔客氣都無反而俾你鬧翻轉頭，你唔係唔知你樓面嘅人真係會唔記得野 或者要再

呢間餐廳我覺得主要都係招呼啲外國人台台都係講英文人少d見到本地呀佰你可以攞個指標冇乜本地阿佰多英文人都應該唔係嗰回事不過勝在價錢幾平好唔好食就見仁見智啦都勉強可以落肚呢間嘢出奇地都叫做有啲service 總括嚟講以呢個價錢冇乜嘢投訴唯一我覺得唔好嘅就係佢嘅炸嘢有油益味當佢一間快餐點心店啦

我由細到大都對點心還好 但係公司啲外籍同事好鍾意茶記/點心 所以得閒就會陪佢地食🤍 佢哋好鍾意食呢間聚點坊 所以我都試過幾次👀 個人覺得味道普通 但係勝在有道地既感覺 所以我都明點解同事會鍾意🫣 不過開關之後最近去過一次 本身全部香港人食既鋪頭有好多檯都睇得出係旅客🤔 平時好容易搵位都變到要等 上菜速度亦都慢咗好多🥲 慢都明既 始終好忙～ 但係最唔好受既位係啲外國人問啲姐姐嘢 佢哋會好開心咁同啲外國人傾計 但係我想要水/辣椒油嗰啲又唔理我 我啲外國同事一舉手就好熱心咁衝過黎💩✨ 雪山叉燒包💲 24呢類叉燒包始終添好運最好食 但係都皮薄餡靚的 係好食既 🤍✨ 蝦餃💲 35皮唔厚 但係味精味有啲重✨ 蟹籽燒賣皇💲 32幾彈牙！但係都係略顯味精味有啲重✨ 糯米雞💲 33正常糯米雞既味✨ 燒汁蒸釀茄子💲 32如果唔係外籍同事話好食要嗌 我都未試過食點心食茄子🤣 即叫即整所以好熱 食既時候爭啲辣親🤣 幾得意既 但係略嫌啲芡太杰✨ 春風得意腸💲 29類似炸兩 食完會好飽 所以幾抵食

係中上環飲茶真係好難搵，尤其係三四點嘅時候，因為好多都已經落埸，所以依間就變咗係少數可以飲茶嘅選擇，款式上就一定冇茶樓咁多選擇，不過都已經叫咗唔差架啦，都幾多嘢食可以選擇，我哋五個人去食都食咗唔少野潮州粉果 皮唔算好厚，入面啲餡料都幾足，味道都唔會過鹹，都叫唔錯乾燒伊麵味道方面就不過不失，但係伊麵太硬，好似未煮夠已經拿去炒，唔太好食，想食粉麵的話，我都係建議叫其他野食會好啲雪山叉燒包我個人覺得係今日依餐中最好食嘅，入面包嘅叉燒餡非常入味，而且又唔會過鹹，包身又軟熟，再配上表面嘅雪山皮真係非常一絕，但係唯一美中不足嘅就係，佢價錢都唔平，但就係得三嚿，如果多人食就唔夠分懷舊糯米雞份量好足，就算五個人分都完全足夠，味道唔會話太過重味，不過應該都係啲工廠一次過整一大堆嘅貨，因為同平時係茶樓食嘅味道沒有太大分別，不過都算係好食嘅，而且份量又多，幾推介春風得意腸腸粉皮唔算係好厚，再加上裡面抱住炸脆咗嘅蝦春卷，一啖食落去好有層次；首先你會先食到腸粉皮嘅軟，同埋醬油嘅味道，再之前就到春卷嘅脆口，最後再到蝦肉餡，唔會太鹹太淡，春卷沒有因為吸到腸粉皮而變得淋身，幾值得食士魷馬蹄肉餅飯 蒸飯配上甜豉油永遠都

D野好難食，又油，尖椒整到好老同苦，d餃同腸粉皮好厚⋯蘿蔔糕勁油，仲要一夾就散哂，燒賣完全冇豬肉味，d人態度又差，拎左辣椒醬唔比拎辣椒油⋯食點心第一次⋯野都未食完就收走碟餸。環境都好差，個地好油好跣，杯碟又油又唔乾淨，連menu 都可以油林林⋯唔明點解仲有咁多人排隊食⋯d野油到食完頂住個胃想作嘔，真係完全搞唔掂⋯一定一定唔會再去，最慘係附近冇乜點心店，如果唔係都唔會揀佢⋯收費又貴，背景聲音又好滋擾，真係冇樣掂⋯茶介收10$，咁不如食酒樓仲好⋯

🔸蟹子燒賣王 $34 / 4件普通，正常發揮 唔係難食，但係唔會話好好食🔸蜂巢炸芋角 $31 / 3件幾好食，全部野最好食嗰一樣 價錢就有啲貴成十蚊舊，但好細舊🔸懷舊糯米雞 $34 / 1件 好失望！細舊咗好多！😪本身嚟就係主要食呢個點知同以前爭好遠以前好多料好大嚿而家完全唔特別😢🔸 炸奶黃流沙包 $24 / 3件就係炸咗嘅奶皇包冇乜特別奶黃料唔多，唔好太有期望🔸 古法馬拉糕 $23 / 1件正常發揮🔹環境：有啲污糟，啲碗碗碟碟筷子有啲油 🗣茶位：$4，不需加一-時段及等候時間：星期六 晚上 ～0分鐘-味道：5/10性價比：5/10回頭率：3/5-#聚點坊小廚 📍上環蘇杭街78號太興中心二座低層地下

午餐去了試，蝦餃水凖低，有味精，其他如叉燒包味道一般。但最難受是叫了一杯凍奶茶，飲下去有少少酸，我以為是奶變質，再飲一啖竟然發現了有四片檸檬🍋，我怕肚痛，即時反映，你們怎能冲一杯檸檬奶茶出來？冲奶和茶那刻難道見不到有多片擰檬嗎，又奶又酸，會令人肚瀉的，那一刻我真係嚇親。聚點坊要認真做事，改善質素，整體體驗欠佳，真係無下次！👎🏻👎🏻

午市套餐有個蔥油雞髀＋白飯個侍應姐姐拎咗黎果下同事全部呆咗以為邊個叫咗蒸鹹魚點知個姐姐話係蔥油雞髀我真係O咗嘴 D雞一睇就係煲湯啲湯渣黎 係咁e淋咗啲蔥油係面頭認真搞唔掂 無下次

上環必食點心聚點坊小廚 (上環)上環蘇杭街78號太興中心二座低層地下今日去完佛哲書舍請經，之後就周圍搵吓有咩食，行嚟行去，最終都係情歸中菜，我實在太鍾意食點心，下午茶。一個人，食得唔多只叫咗蝦餃同埋北菇滑雞飯。冇諗過華為咁平$4係普洱茶，消滯。北菇滑雞飯$34佢地甜豉油超好味，北菇大塊又滑，滑雞入味，好送飯。鮮蝦餃$34蝦餃一定係食佢嘅皮薄餡靚，新鮮啖啖肉，蝦🦐肉彈牙🥳🥳🥳

有食過舊鋪，搬左去對面新鋪之後第一次去食。星期二平日夜晚同同事去食，搬左鋪好似大左，但人流好似少左，7點去食都係得4枱客，記得舊鋪個陣要排隊。叫左幾個點心同小食。啲點心無已前對面舊鋪嘅時後甘好食，不過都過得去，價錢就同正常新型點心店差唔多。個甜品蓮蓉西米焗布甸就一樣甘好食😋椒鹽鮮魷炸得岩岩好，外脆內軟，直得一試。不過有啲奇怪，我地全部人都叫汽水，但都帀收茶錢，唔知係全部地方都係甘定得宜到係甘。🥱

腸粉真係皮厚肉少，午飯套餐得四塊仔回鍋肉，其他無驚喜，普通點心，不過埋單有驚喜，一個人食左近二百蚊，一個套餐，一碟燒賣，一碟牛腸同一個湯！貴！同埋點心款式少，無下次！

聚點坊小廚 網址: 地址: 上環蘇杭街78號太興中心二座低層地下電話: 35210868=====================好耐無食dim sum ，走了去食排骨鳳爪蒸飯啦錯，個豉油汁好食架，飯都乾身。蝦餃有2隻個皮己爆左，不過味道一般，好重味精，我唔受得味精，一食就勁口渴燒賣都很一般，d肉唔靚食到有酥味，把豬肉吐掉只有小小蝦食到，且又是好重味精，我食完要再去飲兩大支水同茶，口中過左成個鍾都仲有味精陣味沒下次啦，仲差過中央廚房架雪藏點心